לקוטי שיחות חלק ט דברים-שבת חזון א

פַּרְשַׁת דְּבָרִים לֵייעֶנְט מֶען אַלֶעמָאל אִין דֶעם שַׁבָּת ווָאס פַאר תִּשְׁעָה בְּאָב – "שַׁבָּת חֲזוֹן". דֶערְפוּן אִיז פַארְשְׁטַאנְדִיקא, אַז דֶער עִנְיָן פוּן שַׁבָּת חֲזוֹן אִיז מְרוּמָּז אִין פַּרְשַׁת דְּבָרִים.

ווָאס אִיז דֶער עִנְיָן פוּן שַׁבָּת חֲזוֹן?

אִיז יָדוּעַ ווָאס ר' הִלֵּל פַּארִיטשֶׁערב בְּרֶענְגְטג "בְּשֵׁם הָרַב מִבַּארְדִיטשׁוֹב נבג"מ", אַז "שַׁבָּת חֲזוֹן" אִיז פוּן לָשׁוֹן מַחֲזֶה. אַז אִין דֶעם שַׁבָּת בַּאווַיְיזְט מֶען "לְכָל אֶחָד וְאֶחָד הַמִּקְדָּשׁ דְּלֶעָתִיד מֵרָחוֹק".

אוּן דֶער בַּארְדִיטשֶׁעווֶער אִיז עֶס מְבַאֵר מִיט אַ מָשָׁל (ווִי גֶעבְּרַאכְט דָארְט), פוּן אַ פָאטֶער ווָאס הָאט אוֹיפְגֶענֵייט אַ טַייְעֶרְן מַלְבּוּשׁ פַאר זַיְין קִינְד, אוּן דֶער קִינְד הָאט דֶעם בֶּגֶד צֶערִיסְן לְכַמָּה קְרָעִים. הָאט אִים דֶער פָאטֶער גֶעמַאכְט אַ צְווֵייטְן לְבוּשׁ, אָבֶּער דֶער קִינְד הָאט דֶעם צְווֵייטְן בֶּגֶד אוֹיךְ צֶערִיסְן. הָאט דֶער פָאטֶער אוֹיפְגֶענֵייט פַארְן קִינְד אַ דְרִיטְן לְבוּשׁ, אָבֶּער עֶר הָאט עֶס עֶם נִיט גֶעגֶעבְּן צוּ אָנְטָאן, נָאר "לִפְרָקִים רְחוֹקִים יְדוּעִים" בַּאווַיְיזְט עֶר פַארְן קִינְד דֶעם לְבוּשׁ, זָאגְנְדִיק דֶערְבַּיי, אַז ווֶען עֶר ווֶעט זִיךְ פִירְן בְּדֶרֶךְ הַיָּשָׁר – ווֶעט עֶר עֶס אִים גֶעבְּן אָנְצוּטָאן. אוּן דוּרְךְ דֶעם אִיז אִים דֶער פָאטֶער מַרְגִּיל צוּ גֵיין בְּדֶרֶךְ הַיָּשָׁר, בִּיז דָאס ווֶערְט בַּיְים קִינְד "כְּמוֹ טֶבַע", אוּן דַאן גִיט דֶער פָאטֶער אַווֶעק דֶעם לְבוּשׁ צוּ זַיְין קִינְד עֶר זָאל אִים אָנְטָאן.

פוּן דִי עִנְיָנִים ווָאס מֶען קֶען אָפְּלֶערְנֶען פוּן דֶעם אוֹיבְּנְדֶערְמָאנְטְן מָשָׁל אִיז: אַז דָאס ווָאס שַׁבָּת חֲזוֹן בַּאווַיְיזְט מֶען "לְכָל אֶחָד וְאֶחָד הַמִּקְדָּשׁ דְּלֶעָתִיד", אִיז מֶען דֶערְמִיט אוֹיסְן בְּעִיקָר יֶענֶע אִידְן ווֶעלְכֶע מֶען דַארְף בַּאווָארֶענֶען אַז זֵיי זָאלְן זִיךְ פִירְן בְּדֶרֶךְ הַיָּשָׁר אוּן זָאלְן נִיט גוֹרֵם זַיְין חַס וְשָׁלוֹם, דוּרְךְ זֵייעֶרֶע מַעֲשִׂים, אַז דֶער "מַלְבּוּשׁ יָקָר" זָאל זִיךְ צֶערַיְיסְן "לְכַמָּה קְרָעִים".

דָאס הֵייסְט: נִיט בְּלוֹיז ווָאס בְּשַׁבָּת חֲזוֹן, ווָאס דַאן אִיז דֶער זְמַן הַגִּילּוּי פוּן דֶעם בֵּית הַמִּקְדָּשׁ דְּלֶעָתִיד [ווָאס בְּשַׁבָּת זֶה ווֶערְט דֶער מִקְדָּשׁ נִתְגַּלֶּה אִין אַן אוֹפֶן פוּן רְאִיָּה – ווִי דֶער לָשׁוֹן "מַרְאִין כו' הַמִּקְדָּשׁ דְּלֶעָתִיד"], ווֶערְט אָט דֶער גִילּוּי נִמְשָׁךְ "לְכָל אֶחָד וְאֶחָד", אֲפִילוּ צוּ דִי ווָאס אוֹיף זֵיי שְׁטֵייטד "מְלֵאִים מִצְוֹת כְּרִמּוֹן" [וּכְדוּגְמַת קְדֻשַּׁת שַׁבָּת וְיוֹם טוֹב, ווָאס אִיז מֵאִיר "אַף בְּנֶפֶשׁ בּוּר וְעַם הָאָרֶץ גָּמוּר . . כְּמוֹ בִּ(קְדֻשַּׁת) נֶפֶשׁ הַצַּדִּיק"ה ];

נָאר אַדְּרַבָּה: ווִיבַּאלְד אַז דִי כַּוָּנָה פוּן דֶעם בַּאווַיְיזְן דֶעם מִקְדָּשׁ דְּלֶעָתִיד אִיז – בִּכְדֵי צוּ מַרְגִּיל זַיְין "לֵילֵךְ בְּדֶרֶךְ הַיָּשָׁר", אִיז דָאךְ פַארְשְׁטַאנְדִיק, אַז דֶער עִיקָר פוּן דֶעם גִילּוּי אִיז צוּ דִי ווֶעלְכֶע נוֹיטִיקְן זִיךְ אִין דֶעם – דָאס הֵייסְט, דִי ווָאס אוֹיבּ מְ'ווֶעט זֵיי נִיט בַּאווַיְיזְן, זַיְינֶען זֵיי שַׁיָּיךְ צוּ גֵיין נִיט אִין דֶרֶךְ הַיָּשָׁר.

נָאךְ אַן עִנְיָן הָאט מֶען פוּן דֶעם מָשָׁל הַנַּ"ל:

ווִיבַּאלְד אַז דִי כַּוָּנָה פוּן בַּאווַיְיזְן דֶעם לְבוּשׁ "לִפְרָקִים רְחוֹקִים יְדוּעִים" אִיז, בִּכְדֵי אַרוֹיסְצוּרוּפְן בַּיְים קִינְד דִי תְּשׁוּקָה צוּם לְבוּשׁ, אוּן אַזַא תְּשׁוּקָה גְדוֹלָה ווָאס זָאל אוֹיף אִים פּוֹעֵלְ'ן צוּ בַּיְיטְן זַיְין הַנְהָגָה – עֶר זָאל גֵיין בְּדֶרֶךְ הַיָּשָׁר – אוּן אוֹיף אַזוֹי ווַיְיט אַז דָאס אִיז "נַעֲשֶׂה אֶצְלוֹ כְּמוֹ טֶבַע".

– אִיז דָאךְ דֶערְפוּן פַארְשְׁטַאנְדִיק, אַז דֶער גִילּוּי פוּן שַׁבָּת חֲזוֹן "שֶׁמַּרְאִין לְכָל אֶחָד וְאֶחָד הַמִּקְדָּשׁ דְּלֶעָתִיד" – אַף עַל פִּי אַז דָאס בַּאווַיְיזְט מֶען נָאר "מֵרָחוֹק", בִּיז אַז סְ'זַיְינֶען פַארַאן אַזֶעלְכֶע ווָאס ווֵייסְן דֶערְפוּן גָארְנִיט – אִיז עֶס אָבֶּער אִין אַזַא אוֹפֶן ווָאס פּוֹעֵלְ'ט בִּפְנִימִיּוּת אוֹיף יֶעדֶער אִידְן: אַז דִי רְאִיָּה ווָאס דֶער אִיד זֶעט דֶעם מִקְדָּשׁ דְּלֶעָתִיד מִצַּד נִשְׁמָתוֹ, פּוֹעֵלְ'ט זִי אוֹיף זַיְין גוּף אוּן נֶפֶשׁ הַבַּהֲמִית – אַז אוֹיךְ דֶער גוּף וְנֶפֶשׁ הַבַּהֲמִית הוֹיבְּן אָן צוּ גֵיין בְּדֶרֶךְ הַיָּשָׁר.

[נָאר בִּכְדֵי עֶס זָאל זַיְין מֶער בְּגִילּוּי אוּן מֶער בִּפְנִימִיּוּת, הָאט מֶען בְּדוֹרוֹת הָאַחֲרוֹנִים – ווֶען סְ'אִיז גֶעווָארְן נֶעעֶנְטֶער צוּ בִּיאַת הַמָּשִׁיחַ – דָאס מְגַלֶּה אוּן מְפַרְסֵם גֶעווֶען לְכָל אֶחָד וְאֶחָד, בִּכְדֵי מֶען זָאל זִיךְ מִתְבּוֹנֵן זַיְין אוּן פַארְטִיפְן אִין דֶעם, ווָאס דַאן הָאט דִי "מַחֲזֶה" אַ טִיפֶערֶע פְּעוּלָּה].

ווֶעגְן דִי פַארְשִׁידֶענֶע בַּת־קוֹל ווָאס מֶען אִיז מַכְרִיז מִלְמַעְלָה מִיט דֶער כַּוָּנָה צוּ מְעוֹרֵר זַיְין דֶעם מֶענְטשְׁן אוֹיף תְּשׁוּבָה [ווִי דֶער "בַּת־קוֹל שֶׁמְּנַהֶמֶת כַּיּוֹנָה וְאוֹמֶרֶת אוֹי לַבָּנִים שֶׁבַּעֲוֹנוֹתֵיהֶם הֶחֱרַבְתִּי אֶת בֵּיתִי כו'"ו, וְכַיּוֹצֵא בָזֶה], פְרֶעגְט מֶען דִי קַשְׁיָאז : ווָאס אִיז דִי תּוֹעֶלֶת פוּן דִי כְּרוּזִים, בְּעֵת אַז רוֹב מֶענְטשְׁן דָא לְמַטָּה הֶערְן נִיט דֶעם בַּת קוֹל?

אִיז יָדוּעַ דֶער בִּיאוּר אִין דֶעםח אַז דִי נְשָׁמָה שֶׁלְּמַעְלָה הֶערְט דֶעם בַּת קוֹל אַלֶעמָאל, אוּן דוּרְךְ דֶעם ווָאס זִי הֶערְט עֶס לְמַעְלָה "קְלִינְגְט" עֶס אָפּ אוֹיךְ אִין דֶער נְשָׁמָה שֶׁלְּמַטָּה – כְּמַאֲמָרט "אַף עַל גַּב דְּאִיהוּ לֹא חָזֵי מַזָּלֵיהּ חָזְיָא". אוּן דֶערְפַאר זֶעט מֶען בְּמוּחָשׁ, אַז אַ מֶענְטשְׁן פַאלְן פְּלוּצְלוּנְג אַרַיְין הִרְהוּרֵי תְּשׁוּבָה אָן קֵיין שׁוּם הֲכָנָה וְהִתְבּוֹנְנוּת לְזֶה פוּן זַיְין זַיְיט, ווָאס דָאס אִיז דִי ווִירְקוּנְג פוּן דִי כְּרוּזִים הָעֶלְיוֹנִים ווָאס זַיְין נְשָׁמָה לְמַעְלָה הֶערְט.

וְלִכְאוֹרָה אִיז דָא אַן אָרְט צוּ זָאגְן, אַז בְּדוּגְמָא לְזֶה אִיז אוֹיךְ דִי "מַחֲזֶה" פוּן שַׁבָּת חֲזוֹן: אַז הֲגַם דֶער מֶענְטשׁ זֶעט עֶס נִיט בְּעֵינֵי בָשָׂר, בִּיז אַז עֶר זֶעט עֶס נִיט (לִפְעָמִים) אֲפִילוּ נִיט בְּעֵינֵי הַשֵּׂכֶל (אוּן בְּלוֹיז דֶערְפַאר ווָאס עֶר אִיז מַאֲמִין בְּדִבְרֵי חֲכָמִים, ווֵייס עֶר אַז דִי מַעֲשֶׂה אִיז אַזוֹי) – פוּנְדֶעסְטְווֶעגְן הָאט דִי "מַחֲזֶה" אַ פְּעוּלָּה אוֹיף יֶעדֶער אִידְן.

אִין אֱמֶת'ן אָבֶּער דַארְף מֶען זָאגְן, אַז סְ'אִיז פַארַאן אַ חִילּוּק צְווִישְׁן דֶער ווִירְקוּנְג ווָאס קוּמְט פוּן דֶער "מַחֲזֶה" בְּשַׁבָּת חֲזוֹן אוּן דֶער פְּעוּלָּה פוּן בַּת קוֹל:

ווֶעגְן דֶער הִתְעוֹרְרוּת ווָאס קוּמְט אַרוֹיס פוּן כְּרוּזִים שֶׁלְּמַעְלָה שְׁטֵייטי, אַז דֶערְפַאר ווָאס זִי קוּמְט (נִיט מִצַּד דֶעם אָדָם שֶׁלְּמַטָּה, נָאר) מִצַּד "אִתְעֲרוּתָא דִלְעֵילָא", הָאט זִי נִיט קֵיין קִיּוּם בַּיי דֶעם מֶענְטשְׁן (סַיְידְן עֶר טוּט אַ פְּעוּלָּה בְּזֶה);

מַה שֶּׁאֵין כֵּן דִי הֲלִיכָה בְּדֶרֶךְ הַיָּשָׁר ווָאס ווֶערְט אַרוֹיסְגֶעבְּרַאכְט בַּיי דֶעם מֶענְטשְׁן דוּרְךְ דֶער מַחֲזֶה פוּן שַׁבָּת חֲזוֹן, אִיז זִי דָאךְ אִין אַן אוֹפֶן שֶׁל קְבִיעוּת בִּיז אַז סוֹף סוֹף בְּלַיְיבְּט נִיט קֵיין חֲשַׁשׁ "פֶּן יַחֲזוֹר לְסוּרוֹ", דֶערְפַאר ווָאס "נַעֲשֶׂה אֶצְלוֹ כְּמוֹ טֶבַע".

דֶערְפוּן אִיז פַארְשְׁטַאנְדִיק, אַז דִי מַחֲזֶה בְּשַׁבָּת חֲזוֹן – ווָאס יֶעדֶער אִיד "זֶעט" דֶעם מִקְדָּשׁ דְּלֶעָתִיד, אַף עַל פִּי אַז דָאס קוּמְט מִצַּד דֶעם ווָאס מֶען ווַיְיזְט עֶס אִים מִלְמַעְלָה, אִיז עֶס אָבֶּער אִין אַזַא אוֹפֶן ווָאס פּוֹעֵלְ'ט אוֹיף אִים עֶר זָאל עֶם דֶערְזֶען סוֹף־סוֹף מִצַּד עַצְמוֹ. אוּן דֶערִיבֶּער, אִיז אוֹיךְ דִי הֲלִיכָה בְּדֶרֶךְ הַיָּשָׁר ווָאס קוּמְט אַרוֹיס דֶערְפוּן – "נַעֲשֶׂה אֶצְלוֹ כְּמוֹ טֶבַע".

מֶען דַארְף אָבֶּער פַארְשְׁטֵיין: ווִי קֶען טַאקֶע דִי מַחֲזֶה פוּן שַׁבָּת חֲזוֹן פּוֹעֵלְ'ן אִין דֶעם מֶענְטשְׁן אַזַא הֲלִיכָה בְּדֶרֶךְ הַיָּשָׁר ווָאס זָאל זַיְין "כְּמוֹ טֶבַע", בִּיז אַז עֶר זָאל גָארְנִיט זַיְין שַׁיָּיךְ צוּ "יַחֲזוֹר לְסוּרוֹ" – בְּשַׁעַת אַז דִי מַחֲזֶה קוּמְט נִיט מִצַּד עֲבוֹדַת הָאָדָם, נָאר דֶערְפוּן ווָאס "מַרְאִין" מִלְמַעְלָה?

ווֶעט מֶען עֶס פַארְשְׁטֵיין, בְּהַקְדִּים דֶעם טַעַם הַפְּנִימִי פוּן דֶעם ווָאס דֶער פָאטֶער גִיט נִיט צוּם בֵּן דֶעם "לְבוּשׁ שְׁלִישִׁי", כָּל זְמַן זַיְין הֲלִיכָה בְּדֶרֶךְ הַיָּשָׁר אִיז נָאךְ נִיט גֶעווָארְן "כְּמוֹ טֶבַע"

– אַנְדֶערְשׁ ווִי בַּיי דִי עֶרְשְׁטֶע צְווֵיי "לְבוּשִׁים", ווָאס דֶער פָאטֶער הָאט זֵיי אִים גֶעגֶעבְּן צוּ אָנְטָאן כָאטשׁ עֶר אִיז נִיט גֶעווֶען זִיכֶער ווִי דֶער בֵּן ווֶעט זִיךְ אוֹיפפִירְן. אוּן נָאךְ מֶער (אִין נִמְשָׁל): כְּלַפֵּי שְׁמַיָּא גַּלְיָא אַז עֶר ווֶעט זֵיי צֶערַיְיסְן?

אִיז דֶער טַעַם אוֹיף דֶעם (בְּדֶרֶךְ אֶפְשָׁר וּבִפְנִימִיּוּת הָעִנְיָנִים):

ווַיְיל דֶער אוֹיפְטוּ פוּן "לְבוּשׁ הַשְּׁלִישִׁי" אוֹיף דִי עֶרְשְׁטֶע צְווֵיי "לְבוּשִׁים" אִיז, ווִי עֶס שְׁטֵייט אִין זֹהַריא (אוֹיפְן פָּסוּקיב "אִם ה' לֹא יִבְנֶה בַיִת שָׁוְא עָמְלוּ בוֹנָיו בּוֹ"), אַז דֶער בַּיִת רִאשׁוֹן וְשֵׁנִי זַיְינֶען "בִּנְיָנָא דְבַר נַשׁ דְּלֵית בֵּיהּ קִיּוּמָא כְּלָל", אָבֶּער דֶער בַּיִת שְׁלִישִׁי, ווִיבַּאלְד עֶר אִיז "בִּנְיָנָא דְקוּדְשָׁא בְּרִיךְ הוּא", ווֶעט עֶר זַיְין קַיָּם לְעוֹלָם.

אוּן ווִיבַּאלְד אַז עִנְיָנוֹ פוּן דֶעם בַּיִת שְׁלִישִׁי אִיז ווָאס עֶר אִיז קַיָּם בְּקִיּוּם נִצְחִי, דַארְף אוֹיךְ דִי הֲכָנָה פוּן דֶעם בֵּן ווָאס טוּט אָן דֶעם לְבוּשׁ שְׁלִישִׁי זַיְין, אַז עֶר זָאל שְׁטֵיין אִין אַזַא דַרְגָּא אַז סְ'אִיז נִיט שַׁיָּיךְ קֵיין חֲשַׁשׁ "פֶּן יַחֲזוֹר לְסוּרוֹ".

ווָאס אִיז דִי שַׁיְיכוּת פוּן בַּיִת שְׁלִישִׁי דַוְקָא צוּ דֶעם עִנְיָן פוּן "בִּנְיָנָא דְקוּדְשָׁא בְּרִיךְ הוּא" אוּן קִיּוּם נִצְחִי?

אִיז דֶער כְּלָלוּת הַבִּיאוּר בְּזֶה, אַז דִי דְרַיי בָּתֵּי מִקְדָּשׁ זַיְינֶען כְּנֶגֶד דִי דְרַיי אָבוֹת: דֶער בַּיִת רִאשׁוֹן אִיז כְּנֶגֶד אַבְרָהָם, בַּיִת שֵׁנִי – כְּנֶגֶד יִצְחָק, אוּן בַּיִת שְׁלִישִׁי – כְּנֶגֶד יַעֲקֹביג. אוּן הֱיוֹת ווִי מִדָּתוֹ שֶׁל יַעֲקֹב אִיז אֱמֶת – ווָאס דֶער פִּירוּשׁ פוּן אֱמֶת אִיז, אַז עֶס אִיז נִיט שַׁיָּיךְ קֵיין הֶפְסֵק וְשִׁינּוּייד, אִיז דֶערִיבֶּער דֶער בַּיִת הַשְּׁלִישִׁי – ווָאס כְּנֶגֶד יַעֲקֹב, קַיָּם בְּקִיּוּם נִצְחִיטו.

צוּ פַארְשְׁטֵיין קְלָארֶער דֶעם עִנְיָן ווִי דִי דְרַיי בָּתֵּי מִקְדָּשׁ זַיְינֶען כְּנֶגֶד דִי אָבוֹת [אוּן אוֹיךְ דִי שַׁיְיכוּת צְווִישְׁן דִי צְווֵיי טַעֲמִים פַארְווָאס דֶער בֵּית הַמִּקְדָּשׁ שְׁלִישִׁי אִיז קַיָּם בְּקִיּוּם נִצְחִי – דָאס ווָאס עֶר אִיז כְּנֶגֶד יַעֲקֹב אוּן דָאס ווָאס עֶר אִיז "בִּנְיָנָא דְקוּדְשָׁא בְּרִיךְ הוּא"]:

דֶער עִנְיָן פוּן בֵּית הַמִּקְדָּשׁ (דְּאִקְרִי מִשְׁכָּןטז ) אִיז – "וְשָׁכַנְתִּי בְּתוֹכָם"יז, דֶער פַארְבּוּנְד פוּן דֶעם אוֹיבֶּערְשְׁטְן מִיט ווֶעלְט. אוּן אִין דֶעם זַיְינֶען פַארַאן דְרַיי אוֹפַנִּים (ווֶעלְכֶע זַיְינֶען מְרוּמָּז אִין דִי מִסְפָּרִים הַמַּתְאִימִים – רִאשׁוֹן, שֵׁנִי אוּן שְׁלִישִׁייח ):

ווִי דֶער בֵּית הַמִּקְדָּשׁ אִיז מִצַּד "רִאשׁוֹן", דָאס הֵייסְט מִצַּד דֶעם אוֹיבֶּערְשְׁטְן ווָאס עֶר ווֶערְט נִמְשָׁךְ מִלְמַעְלָה לְמַטָּה – אוּן דֶער עִנְיָן אִיז מִדָּתוֹ שֶׁל אַבְרָהָם, חֶסֶד, הַמְשָׁכָה מִלְמַעְלָה לְמַטָּה;

ווִי עֶר אִיז מִצַּד "שֵׁנִי", דָאס הֵייסְט מִצַּד ווֶעלְט, ווִי נִבְרָאִים שְׁטֵייעֶן אִין אַ זִיכּוּךְ וְהַעֲלָאָה מִלְּמַטָּה לְמַעְלָה – אוּן דֶער עִנְיָן אִיז כְּנֶגֶד יִצְחָקיט ווָאס מִדָּתוֹ אִיז גְבוּרָה, הַעֲלָאָה מִלְּמַטָּה לְמַעְלָהכ ;

אוּן ווִי עֶר אִיז מִצַּד "שְׁלִישִׁי", דָאס הֵייסְט ווִי פוּן בֵּיידֶע עִנְיָנִים צוּזַאמֶען ["מַעְלָה" אוּן "מַטָּה"] ווֶערְט אַ "דְרִיטֶע" מְצִיאוּת, ווָאס אִיז כּוֹלֵל בֵּיידֶע צוּזַאמֶען – אוּן דֶער עִנְיָן אִיז כְּנֶגֶד יַעֲקֹב, מִדַּת הַתִּפְאֶרֶת, מִדַּת אֱמֶת ווָאס אִיז "מַבְרִיחַ מִן הַקָּצֶה אֶל הַקָּצֶה" – עֶר אִיז כּוֹלֵל דֶעם קָצֶה הֲכִי עֶלְיוֹן מִיטְן קָצֶה הֲכִי תַּחְתּוֹן, בִּיז אַז זֵיי ווֶערְן אֵיין מְצִיאוּת.

אוּן דָאס אִיז דֶער חִילּוּק צְווִישְׁן דִי דְרַיי בָּתֵּי הַמִּקְדָּשׁ:

אִין זְמַן פוּן בַּיִת רִאשׁוֹן הָאבְּן אִידְן בִּכְלַל וּבְעִיקָר גֶעדַארְפְט זַיְין אִין דֶער בְּחִינָה פוּן "צַדִּיקִים"כא, ווָאס זַיְינֶען מַמְשִׁיךְ אֱלֹקוּת מִלְמַעְלָה לְמַטָּה – אוּן ווִיבַּאלְד אַז דִי הַמְשָׁכָה אִיז גֶעווֶען מִצַּד דֶעם "לְמַעְלָה", אִיז עֶס נִיט גֶעווֶען פַארְבּוּנְדְן אַזוֹיפִיל מִיטְן "מַטָּה", אוּן דֶערִיבֶּער הָאט גֶעקֶענְט זַיְין אִין דֶעם אַ הֶפְסֵק;

אִין זְמַן פוּן בַּיִת שֵׁנִי, ווִיבַּאלְד עֶר אִיז גֶעקוּמֶען נָאכְן חוּרְבַּן בַּיִת רִאשׁוֹן אוּן נָאכְן תִּיקּוּן אוֹיפְן חוּרְבָּןכב, זַיְינֶען אִידְן גֶעווֶען אִין דֶער מַדְרֵיגָה פוּן בַּעֲלֵי תְּשׁוּבָהכג, ווָאס עִנְיַן הַתְּשׁוּבָהכד אִיז זִיכּוּךְ וַעֲלִיַּת הַמַּטָּה. הָאט דֶערִיבֶּער דֶער גִילּוּי פוּן בַּיִת שֵׁנִי גֶעהַאט אַ שְׁטַארְקֶערֶע שַׁיְיכוּת צוּ ווֶעלְטכה. ווָאס דֶערְפַאר שְׁטֵייט "גָּדוֹל יִהְיֶה כְּבוֹד הַבַּיִת הַזֶּה הָאַחֲרוֹן מִן הָרִאשׁוֹן", אַז דֶער בַּיִת שֵׁנִי הָאט גֶעהַאט אַ קִיּוּם אִין ווֶעלְט לֶענְגֶערכו ווִי דֶער בַּיִת רִאשׁוֹןכז.

אָבֶּער פוּנְדֶעסְטְווֶעגְן, ווִיבַּאלְד אַז דֶער כְּלָלוּת עִנְיָן פוּן "עוֹלָם" אִיז מְדִידָה וְהַגְבָּלָהכח, הָאט אוֹיךְ דֶער בַּיִת שֵׁנִי (כָאטשׁ עִנְיָנוֹ אִיז מִצַּד דֶעם מַטָּה) גֶעהַאט אַ מְדִידָה וְהַגְבָּלָה;

אוּן אִין דֶעם בַּאשְׁטֵייט דֶער אוֹיפְטוּ פוּן דֶעם בַּיִת שְׁלִישִׁי, אַז הֱיוֹת ווִי עִנְיָנוֹ אִיז דִי הִתְאַחְדּוּת פוּן "מַעְלָה" אוּן "מַטָּה" צוּזַאמֶעןכט – ווֶעט עֶר בְּמֵילָא זַיְין קַיָּם בְּקִיּוּם נִצְחִי, ווַיְיל דֶער "גְבוּל" פוּן ווֶעלְט גוּפָא ווֶעט זַיְין בְּלִי גְבוּל.

ווִי אִיז דָאס מֶעגְלֶעךְ אַז דֶער מַטָּה, ווָאס עִנְיָנוֹ אִיז הַגְבָּלָה אוּן שִׁינּוּי, זָאל ווֶערְן "חַד" מִיטְן בְּלִי גְבוּל פוּן לְמַעְלָה – אוֹיף דֶעם זָאגְט דֶער זֹהַר^יא אַז דֶער מִקְדָּשׁ דְּלֶעָתִיד אִיז "בִּנְיָנָא דְקוּדְשָׁא בְּרִיךְ הוּא", "בּוֹנֵה יְרוּשָׁלַיִם ה' אִיהוּ וְלָא אָחֳרָא":

בְּעֵת דִי הַמְשָׁכָה אִיז פוּן גִילּוּיִים, ווָאס יֶעדֶער גִילּוּי, ווִי הוֹיךְ עֶר זָאל נִיט זַיְין, הָאט עֶר אַ צִיּוּר אוּן אַ גֶדֶר, זַיְינֶען דַאן "מַעְלָה" אוּן "מַטָּה" צְווֵיי עִנְיָנִים;

בְּשַׁעַת אָבֶּער סְ'אִיז מֵאִיר דֶער גִילּוּי הָעַצְמוּת – "בַּיּוֹם הַשְּׁלִישִׁי יְקִימֵנוּ וְנִחְיֶה לְפָנָיול, פְּנִימִיּוּת וְעַצְמוּת אֵין סוֹף בָּרוּךְ הוּא"לא – אוּן עַצְמוּת אִיז דָאךְ מוּשְׁלָל פוּן אַלֶע תּוֹאָרִים – "שְׁלִילַת הַגְּבוּל וּשְׁלִילַת הַבְּלִי גְבוּל"לב, ווֶערְט דֶעמָאלְט דֶער "גְבוּל" פוּן דֶעם מַטָּה מִיטְן "בְּלִי גְבוּל" פוּן דֶעם מַעְלָה אֵיין עִנְיָןלג.

אוּן דָאס אִיז אוֹיךְ דֶער בִּיאוּר ווִי אַזוֹי דִי "מַחֲזֶה" פוּן שַׁבָּת חֲזוֹן, ווָאס "מַרְאִין לְכָל אֶחָד וְאֶחָד הַמִּקְדָּשׁ דְּלֶעָתִיד" – אַף עַל פִּי אַז דָאס בַּאווַיְיזְט מֶען מִלְמַעְלָה – פּוֹעֵלְ'ט אוֹיפְן מֶענְטשְׁן אַז עֶר זָאל זִיךְ פִירְן בְּדֶרֶךְ הַיָּשָׁר בִּיז אַז סוֹף־סוֹף זָאל דָאס בַּיי אִים ווֶערְן "כְּמוֹ טֶבַע", פּוּנְקְט ווִי עֶר ווָאלְט גֶעזֶען דִי "מַחֲזֶה" מִצַּד עַצְמוֹ:

דֶער עִנְיַן הַנִּצְחִיּוּת פוּן דֶעם מִקְדָּשׁ דְּלֶעָתִיד אִיז, אַז עֶר אִיז נִצְחִי נִיט בְּלוֹיז מִצַּד דֶעם עִנְיַן הַמִּקְדָּשׁ, נָאר אוֹיךְ מִצַּד דֶעם עוֹלָם וואוּ עֶר גֶעפִינְט זִיךְ. ווָארוּם מִצַּד דֶעם גִילּוּי הָעַצְמוּת אִיז "הֲוָיָ' יִמְלוֹךְ לְעוֹלָם וָעֶד"לד, אַז דֶער זְמַן, ווָאס עִנְיָנוֹ אִיז "שִׁינּוּי", עֶר אַלֵיין ווֶערְט נִצְחִי אוּן בְּלִי גְבוּללה.

[וְעַל דֶּרֶךְ הַיָּדוּעַלו אִין דֶעם עִנְיָן פוּן אַחְדּוּת ה', אַז דִי אֲמִיתַּת הָאַחְדּוּת פוּן הֲוָיָ' אֶחָד וּבִפְרַט ווִי זִי אִיז מִצַּד עַצְמוּת אִיז – אַז דִי אַחְדּוּת אִיז נִיט נָאר מִצַּד אֱלֹקוּת, נָאר אוֹיךְ מִצַּד דֶער בְּרִיאָה גוּפָא].

אוּן דֶערִיבֶּער, ווֶען מְ'ווַיְיזְט אַ אִידְן דֶעם מִקְדָּשׁ דְּלֶעָתִיד ווָאס עֶר אִיז נִצְחִי אוֹיךְ מִצַּד דֶעם מַטָּה, ווֶערְט בְּמֵילָא אוֹיפְגֶעטָאן אִין דֶעם אִידְן דֶער הֶעְדֵּר הַשִּׁינּוּי אוֹיךְ מִצַּד אִים, בִּיז אוֹיךְ מִצַּד זַיְין גוּף וְנֶפֶשׁ הַבַּהֲמִית, אַז אוֹיךְ מִצַּד זֵיי ווֶערְט בַּיי אִים דִי הֲלִיכָה בְּדֶרֶךְ הַיָּשָׁר כְּמוֹ טֶבַע אוּן סְ'אִיז נִיט שַׁיָּיךְ כְּלַל אַז יַחֲזוֹר לְסוּרוֹ חַס וְשָׁלוֹם.

אוּן דָאס אִיז דֶער טַעַם הַפְּנִימִי ווָאס דֶער עִנְיָן פוּן שַׁבָּת חֲזוֹן (דָאס ווָאס אִין דֶעם טָאג "מַרְאִין לְכָל אֶחָד וְאֶחָד הַמִּקְדָּשׁ דְּלֶעָתִיד") אִיז נִתְגַּלֶּה גֶעווָארְן דוּרְכְן בַּארְדִיטשֶׁעווֶער – ווָאס עֶר הָאט גֶעהַאט אַ שַׁיְיכוּת מְיוּחֶדֶת צוּם אַלְטְן רֶבִּי'ן אוּן חֲסִידוּת חַבַּ"דלז אוּן דֶערְנָאךְ אִיז דָאס נִתְגַּלֶּה גֶעווָארְן בְּפּוֹעֵל דוּרְךְ ר' הִלֵּל פַּארִיטשֶׁער, ווָאס אִיז גֶעווֶען פוּן דִי גְדוֹלֵי חֲסִידֵי חַבַּ"דלח

– ווַיְיל דֶער אוֹיפְטוּ פוּן חֲסִידוּת חַבַּ"ד אִיז^לו, אַז אַחְדּוּת הֲוָיָ' זָאל זִיךְ אָנְהֶערְן אִין ווֶעלְט נִיט בְּלוֹיז מִצַּד לְמַעְלָה (וּבָאָדָם עַצְמוֹ – בְּדֶרֶךְ אֱמוּנָה), נָאר אוֹיךְ מִצַּד דֶעם מַטָּה (וּבָאָדָם עַצְמוֹ – "וְיָדַעְתָּ") – אוּן דָאס אִיז דֶער עִנְיָן פוּן שַׁבָּת חֲזוֹן, אַז דֶער "מַרְאִין" ווָאס קוּמְט מִלְמַעְלָה זָאל פּוֹעֵל'ן אִין דֶעם תַּחְתּוֹן, בִּיז זַיְין הַנְהָגָה בְּדֶרֶךְ הַיָּשָׁר זָאל ווֶערְן "כְּמוֹ טֶבַע", כַּנַּ"ל.

כְּשֵׁם ווִי דֶער בַּיִת שְׁלִישִׁי ווָאס אִיז כְּנֶגֶד יַעֲקֹב – כָאטשׁ עֶר אִיז הֶעכֶער פוּן בַּיִת רִאשׁוֹן וְשֵׁנִי – קוּמְט עֶר לְאַחֲרֵי קְדִימַת בַּיִת רִאשׁוֹן וְשֵׁנִילט ווָאס זַיְינֶען כְּנֶגֶד אַבְרָהָם וְיִצְחָק (ווָאס דֶערְפַאר ווֶערְט עֶר אָנְגֶערוּפְן "שְׁלִישִׁי")מ,

עַל דֶּרֶךְ זֶה אִיז אוֹיךְ שַׁבָּת חֲזוֹן – ווֶען מְ'ווַיְיזְט דֶעם בַּיִת שְׁלִישִׁי – קוּמְט עֶר בְּהֶמְשֵׁךְ צוּ פֶּסַח ווָאס אִיז כְּנֶגֶדמא אַבְרָהָם

– ווָארוּם שַׁבָּת חֲזוֹן אִיז דָאךְ דֶער שַׁבָּת ווָאס פַארמב תִּשְׁעָה בְּאָב (אָדֶער תִּשְׁעָה בְּאָב גּוּפָא, כְּשֶׁחָל בְּשַׁבָּת) – אוּן דִי קְבִיעוּת פוּן תִּשְׁעָה בְּאָב אִיז דָאךְ אַלֶעמָאל דִי זֶעלְבֶּע ווִי דִי קְבִיעוּת פוּן עֶרְשְׁטְן טָאג פֶּסַח, וְסִימָנָךְ "אַ"תְּ"מג

אוּן בְּהֶמְשֵׁךְ צוּ שָׁבוּעוֹת ווָאס אִיז כְּנֶגֶד^מא יִצְחָק. ווָארוּם אַלֶע גִילּוּיִים עֶלְיוֹנִים פוּן אַ רֶגֶל ווֶערְן נִמְשָׁךְ דִי גַאנְצֶע צַיְיט בִּיז דֶעם רֶגֶל שֶׁלְּאַחֲרָיומד – אוּן דֶער רֶגֶל שֶׁלִּפְנֵי שַׁבָּת חֲזוֹן אִיז דָאךְ שָׁבוּעוֹת.

אִיז דֶער בִּיאוּר אִין דֶעם:

דֶער חִילּוּק צְווִישְׁן פֶּסַח, דֶער זְמַן פוּן יְצִיאַת מִצְרַיִם, אוּן שָׁבוּעוֹת, דֶער זְמַן פוּן מַתַּן תּוֹרָה, אִיז, אַז יְצִיאַת מִצְרַיִם אִיז אַ גִילּוּי מִלְמַעְלָה, בְּדֶרֶךְ אִתְעֲרוּתָא דִלְעֵילָא ווָאס אִיז נִיט פַארְבּוּנְדְן מִיטְן מַטָּה, אוּן עֶר אִיז כְּנֶגֶד אַבְרָהָם, ווָאס מִדָּתוֹ אִיז חֶסֶד וְהַמְשָׁכָה מִלְמַעְלָה לְמַטָּה; אוּן שָׁבוּעוֹת (ווָאס קוּמְט לְאַחֲרֵי הָעֲבוֹדָה פוּן סְפִירַת הָעוֹמֶר אוּן ווֶערְט אָנְגֶערוּפְן "שָׁבוּעוֹת" עַל שֵׁם זֶה, עַל שֵׁם "שִׁבְעָה שָׁבוּעוֹת תִּסְפָּר לָךְ") אִיז פַארְבּוּנְדְן מִיטְן "מַטָּה"מה (אוּן אוֹיךְ מִצַּד "זְמַן מַתַּן תּוֹרָתֵנוּ" אִיז דָאךְ אַז דֶער עִיקַר חִידּוּשׁ פוּן מַתַּן תּוֹרָה "הַתַּחְתּוֹנִים יַעֲלוּ לָעֶלְיוֹנִים וְהָעֶלְיוֹנִים יֵרְדוּ לַתַּחְתּוֹנִים"מו ), אוּן עֶר אִיז כְּנֶגֶד יִצְחָק, ווָאס מִדָּתוֹ אִיז גְבוּרָה וְהַעֲלָאָה מִלְּמַטָּה לְמַעְלָהמז.

אוּן ווִיבַּאלְד אַז שַׁבָּת חֲזוֹן אִיז עִנְיָנוֹ דָאס בַּאווַיְיזְן דֶעם בַּיִת הַשְּׁלִישִׁי, ווָאס עֶר אִיז כּוֹלֵל הַמְשָׁכָה וְהַעֲלָאָה אִינְאֵיינֶעם – דֶערִיבֶּער קוּמְט עֶר בְּהֶמְשֵׁךְ אוּן לְאַחֲרֵי פֶּסַח אוּן שָׁבוּעוֹת.

אָט־דִי צְווֵיי קַוִּים – הַעֲלָאָה אוּן הַמְשָׁכָה – זַיְינֶען פַארַאן (ווִי אַלֶע עִנְיָנִים) אוֹיךְ אִין תּוֹרָה גוּפָאמח. אוּן דָאס אִיז דֶער חִילּוּק צְווִישְׁן דִי ד' סְפָרִים הָרִאשׁוֹנִים אוּן מִשְׁנֵה תּוֹרָה, ווָאס "מֹשֶׁה מִפִּי עַצְמוֹ אֲמָרוֹ" (וּבְרוּחַ הַקֹּדֶשׁ)מט ;

דִי עֶרְשְׁטֶע פִיר סְפָרִים, כָאטשׁ אוֹיךְ זֵיי זַיְינֶען גֶעקוּמֶען צוּ אוּנְז דוּרְךְ מֹשֶׁה רַבֵּינוּ, הָאט זֵיי מֹשֶׁה אִיבֶּערְגֶעגֶעבְּן נָאר ווִי אַ שְׁלִיחַנ (דָאס הֵייסְט אַז אִין זֵיי אִיז נִיט אַרַיְינְגֶעמִישְׁט קֵיין הַשָּׂגָה פוּן אַ נִבְרָא, אֲפִילוּ נִיט דִי הַשָּׂגָה פוּן מֹשֶׁה רַבֵּינוּ) – הַמְשָׁכָה מִלְמַעְלָה;

מַה שֶּׁאֵין כֵּן מִשְׁנֵה תּוֹרָה, הָאט מֹשֶׁה אִיבֶּערְגֶעגֶעבְּן ווִי עֶר ווָאלְט עֶס גֶעזָאגְט "מִפִּי עַצְמוֹ"נא, דָאס הֵייסְט דִי בְּחִינָה פוּן ווַאנֶעט סְ'אִיז גֶעגֶעבְּן גֶעווָארְן מִשְׁנֵה תּוֹרָה אִיז נִתְלַבֵּשׁ אוּן נִתְעַצֵּם גֶעווָארְן בְּהַשָּׂגָתוֹ שֶׁל מֹשֶׁהנא*, עַל דֶּרֶךְ עֲבוֹדַת הַתַּחְתּוֹנִיםנב.

ווָאס דֶערְפַאר אִיז (דִי הַתְחָלָהנג פוּן) מִשְׁנֵה תּוֹרָה אֵלֶּה הַדְּבָרִים – שֶׁהֵן דִּבְרֵי תּוֹכָחוֹתנד – ווַיְיל דִּבְרֵי תּוֹכָחָה בְּרֶענְגֶען צוּ עֲבוֹדַת הַתְּשׁוּבָה, ווָאס עִנְיָנָהּ אִיז (כַּנַּ"ל סְעִיף ז) הַעֲלָאָה מִלְּמַטָּה לְמַעְלָה.

אוּן דָאס אִיז אֵיינֶער פוּן דִי טַעֲמִים וּרְמָזִים ווָאס בְּשַׁבָּת חֲזוֹן – ווֶען מֶען ווַיְיזְט דֶעם בֵּית הַמִּקְדָּשׁ הַשְּׁלִישִׁי – הֵייבְּט מֶען אָן לֵייעֶנֶען מִשְׁנֵה תּוֹרָה, ווַיְיל צוּלִיבּ דֶעם גִילּוּי פוּן דֶעם בַּיִת שְׁלִישִׁי דַארְף מֶען הָאבְּן בֵּיידֶע קַוִּיןנה פוּן תּוֹרָה: נִיט נָאר דֶעם קַו הַהַמְשָׁכָה מִלְמַעְלָה ווָאס אִין דִי ד' סְפָרִים הָרִאשׁוֹנִים, נָאר אוֹיךְ דֶעם קַו הַהַעֲלָאָה מִלְּמַטָּה ווָאס אִין מִשְׁנֵה תּוֹרָה.

אוּן דוּרְךְ דֶעם קוּמְט מֶען צוּם עִנְיָן ווָאס שְׁטֵייט אִין סִיּוּם פוּן מִשְׁנֵה תּוֹרָה "עַד הַיָּם הָאַחֲרוֹן" וְאָמְרוּ רַזַ"ל "עַד הַיּוֹם הָאַחֲרוֹן"נו, צוּ דֶעם "בַּיִת הַזֶּה הָאַחֲרוֹן", דֶער מִקְדָּשׁ דְּלֶעָתִידנז, ווָאס ווֶעט נִתְגַּלֶּה ווֶערְןנח בְּבִיאַת מָשִׁיחַ צִדְקֵנוּ, בְּקָרוֹב מַמָּשׁ.

(משיחות שמחת בית השואבה תשכ"ד. שבת חזון תש״ל)