עֶס שְׁטֵייט אִין טוּרא, אַז פוּן פַּרְשַׁת בְּרֵאשִׁית בִּיז שִׁבְעָה עָשָׂר בְּתַמּוּז "מַפְטִירִין מֵעִנְיַן הַפַּרְשִׁיּוֹת דּוֹמֶה בְּדוֹמֶה וּמִשָּׁם וְאֵילַךְ לְפִי הַזְּמַן וּלְפִי הַמְּאוֹרָע".
אַף עַל פִּי כֵן, ווִיבַּאלְד אַז אַלֶע עִנְיָנִים פוּן תּוֹרָה זַיְינֶען בְּתַכְלִית הַדִּיּוּקב, אִיז דֶערְפוּן ווָאס דִי הַפְטָרוֹת אִין דִי שַׁבָּתִים ווָאס פוּן שִׁבְעָה עָשָׂר בְּתַמּוּז הָאט מֶען קוֹבֵעַ גֶעווֶען אִין גֶעווִיסֶע פַּרְשִׁיּוֹת – דִּבְרֵי יִרְמְיָהוּ לְפַרְשַׁת פִּינְחָס (אָדֶער מַטּוֹת) וכו' נַחֲמוּ לְוָאֶתְחַנַּן וכו'. – אִיז פַארְשְׁטַאנְדִיק, אַז אַף עַל פִּי ווָאס בְּעִיקָר זַיְינֶען זֵיי לְפִי הַזְּמַן וְהַמְּאוֹרָע – הָאבְּן דִי הַפְטָרוֹת אָבֶּער אוֹיךְ אַ שַׁיְיכוּתג צוּ דִיד פַּרְשִׁיּוֹתה.
וּבְנוֹגֵעַ לְפַרְשָׁתֵנוּ: דָאס ווָאס דִי הַפְטָרָה פוּן פַּרְשַׁת וָאֶתְחַנַּן אִיז "נַחֲמוּ נַחֲמוּ", אִיז עֶס מִצַּד הַזְּמַן וְהַמְּאוֹרָע, דֶערְפַאר ווָאס פַּרְשַׁת וָאֶתְחַנַּן לֵייעֶנְט מֶען דֶעם עֶרְשְׁטְן שַׁבָּת פוּן דִי "ז' דִּנְחֶמְתָּא", אָבֶּער דִי סֶדְרָה מִיט דֶער הַפְטָרָה (נַחֲמוּ) הָאבְּן צְווִישְׁן זִיךְ אוֹיךְ אַ שַׁיְיכוּתה.
אוֹיפְן פָּסוּק "נַחֲמוּ נַחֲמוּ עַמִּי"ו שְׁטֵייט אִין מִדְרָשׁז, אַז דֶער טַעַם פוּן דֶעם כֵּפֶל – "נַחֲמוּ נַחֲמוּ" – אִיז, ווַיְיל אֵיין נֶחָמָה אִיז "עַל בַּיִת רִאשׁוֹן", אוּן דִי אַנְדֶערֶע "עַל בַּיִת שֵׁנִי".
דַארְף מֶען פַארְשְׁטֵיין:
דֶער עִנְיָן פוּן "נֶחָמָה" בִּכְלַל אִיז, אַז בְּעֵת בַּיי אִימֶעצְן הָאט זִיךְ גֶעטְרָאפְן אַן אוּמְגְלִיק רַחֲמָנָא לִצְלַן, אוּן צוּרִיק מְמַלֵּא זַיְין דֶעם חִסָּרוֹן אִיז דֶער "טְרֵייסְטְגֶעבֶּער" נִיט בְּכֹחַ – גֶעפִינְט עֶר אָבֶּער לְכָל הַפָּחוֹת אַ טְרֵייסְט פַאר דֶעם גֶעטְרָאפֶענֶעם. וּבְמֵילָא מוּבָן, אַז אוֹיבּ יֶענֶער הָאט גֶעהַאט אַ פַארְלוּסְט צְווֵיי מָאל, אִיז שַׁיָּיךְ מֶען זָאל אִים מְנַחֵם זַיְין אוֹיךְ צְווֵיי מָאל – פַאר דִי בֵּיידֶע פַארְלוּסְטְן ווָאס עֶר הָאט גֶעהַאט.
אָבֶּער בְּנִדּוֹן דִּידַן, ווָאס דִי נֶחָמָה בַּאשְׁטֵייט אִין דֶער הַבְטָחָה אַז דֶער בֵּית הַמִּקְדָּשׁ ווֶעט צוּרִיק גֶעבּוֹיט ווֶערְןח, אִיז בְּשַׁעַת סְ'אִיז דָא דֶער "נַחֲמוּ" אוֹיפְן בַּיִת רִאשׁוֹן, הֵייסְט עֶס דָאךְ – אַז אִינֶעם בַּיִת שְׁלִישִׁי (ווָאס ווֶעט זַיְין לֶעָתִיד) ווֶעלְן זַיְין אַלֶע עִנְיָנִים ווָאס זַיְינֶען גֶעווֶען אִין דֶעם בַּיִת רִאשׁוֹן ווֶעלְכֶער אִיז הֶעכֶער פוּן בַּיִת שֵׁנִי (אִין ווֶעלְכְן חָסְרוּ ה' דְבָרִיםט ). הַיְינְט ווָאס דַארְף מֶען הָאבְּן דִי נֶחָמָה אוֹיךְ אוֹיפְן בַּיִת שֵׁנִי – דָאס ווֶערְט דָאךְ שׁוֹין נִכְלָל, לִכְאוֹרָה, אִין דֶער נֶחָמָה אוֹיפְן בַּיִת רִאשׁוֹן?
אִיז דֶער בִּיאוּר אִין דֶעםי : כָאטשׁ בִּכְלָלוּת אִיז דֶער בַּיִת שֵׁנִי חָסֵר בְּמַעֲלָה פוּן בַּיִת רִאשׁוֹן, אִיז אָבֶּער פַארַאן אִין אִים אַ מַעֲלָה לְגַבֵּי דֶעם בַּיִת רִאשׁוֹן. ווִי דִי גְמָרָאיא זָאגְט אוֹיפְן פָּסוּקיב "גָּדוֹל יִהְיֶה כְּבוֹד הַבַּיִת הַזֶּה הָאַחֲרוֹן מִן הָרִאשׁוֹן", אַז "הַבַּיִת הַזֶּה הָאַחֲרוֹן" מֵיינְט דֶער בַּיִת שֵׁנִייג, אוּן עֶר אִיז "גָּדוֹל" – בְּבִנְיָן אוּן בְּשָׁנִיםיד – "מִן הָרִאשׁוֹן".
אוּן דֶערִיבֶּער שְׁטֵייט "נַחֲמוּ נַחֲמוּ" צְווֵיי מָאל – "עַל בַּיִת רִאשׁוֹן וְעַל בַּיִת שֵׁנִי" – אַז עֶס ווֶעלְן נִתְמַלֵּא ווֶערְן בֵּיידֶע חֶסְרוֹנוֹת. דָאס הֵייסְט אַז אִין בַּיִת הַשְּׁלִישִׁי ווֶעלְן זַיְין סַיי דִי מַעֲלָה פוּן בַּיִת רִאשׁוֹן אוּן סַיי דִי מַעֲלָה פוּן בַּיִת שֵׁנִיטו.
אוֹיף צוּ פַארְשְׁטֵיין דִי מַעֲלָה פוּן בַּיִת שֵׁנִי לְגַבֵּי בַּיִת רִאשׁוֹן, דַארְף מֶען פְרִיעֶר מְבַאֵר זַיְין דִי מַעֲלָה (בִּפְנִימִיּוּת) פוּן בֵּית הַמִּקְדָּשׁ (בִּכְלַל – כּוֹלֵל אוֹיךְ דֶעם בַּיִת רִאשׁוֹן) ווֶעלְכֶער אִיז גֶעווֶען אַ "דִירַת קֶבַע" שֶׁל הַקָּדוֹשׁ בָּרוּךְ הוּאטז, לְגַבֵּי דֶעם מִשְׁכָּן – ווָאס אִיז גֶעווֶען אַ "דִירַת עֲרַאי"יז צוּם אוֹיבֶּערְשְׁטְןיח :
דִי קְדֻשָּׁה ווָאס אִיז גֶעווֶען אִין מִשְׁכָּן, דֶער "וְשָׁכַנְתִּי בְּתוֹכָם", הֲגַם עֶר אִיז גֶעווֶען אִין אַלֶע זַיְינֶע חֲלָקִים – נִיט בְּלוֹיז אִין דִי יְרִיעוֹת אוּן קְרָשִׁים (ווָאס זַיְינֶען גֶעווֶען פוּן חַי אוּן צוֹמֵחַיט ), נָאר אוֹיךְ אִין קַרְקַע הַמִּשְׁכָּן (דוֹמֵם), אִיז אָבֶּער אָט־דִי הַשְׁרָאַת הַשְּׁכִינָה ("וְשָׁכַנְתִּי בְּתוֹכָם") גֶעווֶען בְּעִיקָר – נִיט מִצַּד דִי דְבָרִים גַּשְׁמִיִּים (יְרִיעוֹת וכו' וְהַקַּרְקַע) גּוּפָא, נָאר מִצַּד לְמַעְלָה.
[נָאר הֱיוֹת אַז דֶער אוֹר ווָאס הָאט מֵאִיר גֶעווֶען אִין מִשְׁכָּן, אִיז גֶעווֶען בְּלִי גְבוּל – הָאט עֶר דֶערִיבֶּער גֶעקֶענְט נִמְשָׁךְ ווֶערְן אוֹיךְ לְמַטָּה מַּטָּה, בִּיז אִין סוּג הַדּוֹמֵם].
אוּן דֶערִיבֶּער, לְאַחֲרֵי ווִי מֶען הָאט דֶעם מִשְׁכָּן צוּגֶענוּמֶען פוּן אַ גֶעווִיסְן אָרְט – אִיז אִין יֶענֶעם אָרְט (אִין דֶער קַרְקַע) נִיט פַארְבְּלִיבְּן קֵיין קְדֻשָּׁה.
דַאקֶעגְן דִי קְדֻשָּׁה פוּן בֵּית הַמִּקְדָּשׁ, אִיז גֶעווֶען מִצַּד דִי דְבָרִים גַּשְׁמִיִּים גּוּפָא פוּן ווֶעלְכֶע עֶר אִיז גֶעווֶען צוּזַאמֶענְגֶעשְׁטֶעלְט. אוּן דֶערְפַאר אִיז אוֹיךְ נָאכְן חוּרְבַּן בֵּית הַמִּקְדָּשׁ פַארְבְּלִיבְּן קְדֻשָּׁה אִין דֶעם מְקוֹם הַמִּקְדָּשׁכ.
ווָאס דָאס אִיז אוֹיךְ דֶער טַעַם הַפְּנִימִי פוּן דֶעם ווָאס דֶער בֵּית הַמִּקְדָּשׁ אִיז גֶעבּוֹיט גֶעווָארְן דַוְקָא בִּזְמַן שְׁלֹמֹה, אִין דֶער צַיְיט ווֶען "קַיְמָא סִיהֲרָא בְּאַשְׁלִימוּתָא"כא – ווַיְיל דֶער עִנְיָן פוּן "סִיהֲרָא" (לְבָנָה) אִיז (נִיט ווִי דֶער עִנְיָן פוּן שֶׁמֶשׁ, מַשְׁפִּיעַ – בְּחִינַת זָ"א, נָאר) מְקַבֵּל (אוֹרָהּ מֵהַשֶּׁמֶשׁ), בְּחִינַת מַלְכוּתכב. אוּן ווִיבַּאלְד אַז דֶער אוֹיפְטוּ פוּן בֵּית הַמִּקְדָּשׁ אִיז בְּעִיקָר (נִיט אִין הַמְשָׁכָה מִלְמַעְלָה נָאר אִין) זִיכּוּךְ הַנִּבְרָאִים, דֶערִיבֶּער אִיז עֶר שַׁיָּיךְ צוּ דֶער שְׁלֵימוּת פוּן "סִיהֲרָא"כג.
אִין זִיכּוּךְ הַנִּבְרָאִים גּוּפָא – זַיְינֶען פַארַאן צְווֵיי אוֹפַנִּים:
א) אַז זֵייעֶר זִיכּוּךְ קוּמְט מִצַּד דֶעם אוֹר שֶׁלְּמַעְלָה. וּבְדוּגְמַת אַ "רַב" ווָאס לֶערְנְט מִיטְן תַּלְמִיד אוֹיף אַזַא אוֹפֶן, אַז דוּרְכְן שֵׂכֶל ווָאס עֶר לֶערְנְט מִיט אִים קֶען דֶערְנָאךְ דֶער תַּלְמִיד אַלֵיין (בְּכֹחַ עַצְמוֹ), צוּקוּמֶען צוּ דֶער אֲמִיתִּית הַכַּוָּנָהכד. אָבֶּער אַף עַל פִּי כֵן, אִיז דָאךְ אוֹיךְ דָאס ווָאס דֶער תַּלְמִיד קוּמְט צוּ "אַלֵיין" צוּ אֲמִיתִּית הַכַּוָּנָה – אִיז עֶס מִצַּד דֶעם אוֹר הַשֵּׂכֶל ווָאס דֶער רַב הָאט אִים גֶעגֶעבְּן.
ב) אַז דֶער זִיכּוּךְ קוּמְט נִיט דוּרְךְ אַן אוֹר ווָאס אִיז אִין זֵיי מֵאִיר מִלְמַעְלָה, נָאר מִצַּד עַצְמָם: מִצַּד דֶעם ווָאס זֵייֶער אֲמִיתִּית הַמְּצִיאוּת אִיז אֱלֹקוּת, ווֶערְן זֵיי סוֹף־כָּל־סוֹף נִזְדַּכֵּךְ בִּיז אַז "וְרָאוּ כָל בָּשָׂר גו' כִּי פִּי ה' דִּבֵּר"כה, נִיט מִצַּד דֶעם גִילּוּי פוּן בְּחִינַת "פִּי הֲוָיָ'", נָאר מִצַּד דֶעם בָּשָׂר גּוּפָא.
וּבְדוּגְמַת עִנְיַן הַתְּשׁוּבָה כִּפְשׁוּטָהּ (אוֹיף חֲטָאִים כו'), ווָאס דָאס קוּמְט (בְּדֶרֶךְ כְּלַל) נִיט דוּרְךְ אַ גִילּוּי אוֹר [ווָארוּם אַדְּרַבָּה: דֶער בַּעַל תְּשׁוּבָה (אֵיידֶער עֶר הָאט תְּשׁוּבָה גֶעטָאן) אִיז דָאךְ גֶעווֶען מְרוּחָק פוּן אֱלֹקוּת, אִיז ווִי אִיז גָאר שַׁיָּיךְ עֶר זָאל דֶערְהֶערְן אַ גִילּוּי אוֹר], נָאר מִצַּד דֶעם בַּעַל תְּשׁוּבָה גוּפָאכו – מִצַּד דֶעם ווָאס דִי עַצְמִיּוּת פוּן אַ אִידְן אִיז אֱלֹקוּת, ווָאס פּוֹעֵלְ'ט אוֹיךְ בְּגִילּוּי, ווָאס דֶערְפַאר אִיז דָאךְ יֶעדֶער אִיד, אָן אוֹיסְנַאם חַס וְשָׁלוֹם, ווִיל עֶר מְקַיֵּים זַיְין דֶעם אוֹיבֶּערְשְׁטְן'ס רָצוֹן סַיְידְן "יִצְרוֹ הוּא שֶׁתְּקָפוֹ" וְכִפְסַק דִּין הַיָּדוּעַ פוּן רַמְבַּ"םכז.
עַל דֶּרֶךְ ווִי דִי צְווֵיי אוֹפַנִּים הַנַּ"ל אִין זִיכּוּךְ הַנִּבְרָאִים, אַזוֹי אִיז אוֹיךְ אִין דֶער לְבָנָה (בְּחִינַת מַלְכוּת, שֹׁרֶשׁ הַנִּבְרָאִים) פַארַאן צְווֵיי אוֹפַנִּים: ווִי זִי אִיז אִיצְטֶער; אוּן ווִי זִי ווֶעט זַיְין לֶעָתִיד לָבוֹא:
אִיצְטֶער אִיז דִי לְבָנָה מְקַבֵּל פוּן שֶׁמֶשׁ (בְּחִינַתכב זָ"א). סְ'אִיז נָאר אַז דוּרְךְ דֶעם ווָאס זִי אִיז מְקַבֵּל דֶעם אוֹר הַשֶּׁמֶשׁ, לַיְיכְט אַרוֹיס אִיר אֵייגֶענֶער אוֹרכח – בְּדוּגְמַת הַתַּלְמִיד (כַּנַּ"ל), ווָאס דוּרְךְ מְקַבֵּל זַיְין דֶעם שֵׂכֶל הַמַּשְׁפִּיעַ, אִיז עֶר דֶערְנָאךְ מְחַדֵּשׁ אִין דֶעם שֵׂכֶל בְּכֹחַ עַצְמוֹ;
אָבֶּער לֶעָתִיד לָבוֹא ווֶעט זַיְין דֶער "אוֹר הַלְּבָנָה כְּאוֹר הַחַמָּה"כט, אַז דֶער "אוֹר הַלְּבָנָה" ווֶעט נִיט דַארְפְן אָנְקוּמֶען צוּם "אוֹר הַחַמָּה", נָאר עֶר ווֶעט זַיְין ווִי דֶער "אוֹר הַחַמָּה" – ווָאס אִיז מֵאִיר מִצַּד עַצְמוֹל.
[בִּיז אַז "וְעֵינֵינוּ מְאִירוֹת כַּשֶּׁמֶשׁ וְכַיָּרֵחַ"לא, אַז אוֹיךְ דִי אוֹיגְן (דֶער שָׁחוֹר שֶׁבָּעַיִןלב ), ווֶעלְן לַיְיכְטְן מִצַּד עַצְמָם, אוּן זֵיי ווֶעלְן נִיט דַארְפְן אָנְקוּמֶען – ווִי אִיצְטֶער – צוּם אוֹר הַשֶּׁמֶשׁ וְהַיָּרֵחַלג ].
דִי דְרַיי עִנְיָנִים הַנַּ"ל – הַמְשָׁכָה מִלְמַעְלָה, זִיכּוּךְ הַנִּבְרָאִים מִצַּד גִּילּוּי אוֹר אוּן זֵייעֶר זִיכּוּךְ מִצַּד עַצְמָם – אִין עֲבוֹדַת הָאָדָם, זַיְינֶען (בִּכְלָלוּת) תּוֹרָה; מִצְוֹת (אָדֶער תְּפִלָּה); אוּן תְּשׁוּבָה:
תּוֹרָה אִיז עִנְיָנָהּ – הַמְשָׁכָה מִלְמַעְלָה – נָתַן לָנוּ אֶת תּוֹרָתוֹ, מֹשֶׁה קִבֵּל תּוֹרָה וּמְסָרָהּ כו'. אוֹיךְ דֶער עִנְיָן פוּן לִימּוּד הַתּוֹרָה, כָאטשׁ אַז עִנְיָנָהּ אִיז אַז דֶער מֶענְטשׁ זָאל פַארְשְׁטֵיין, בִּיז עֶר זָאל דוּרְךְ זַיְין פַארְשְׁטַאנְד נִתְאַחֵד ווֶערְן מִיט דֶער תּוֹרָה ווָאס עֶר לֶערְנְטלד – אִיז אָבֶּער דֶער עִיקַר עִנְיָן אִין דֶעם, נִיט אַז עֶר זָאל צוּגֶעבְּן אֵייגֶענֶע, נָאר אַדְּרַבָּה, עֶר דַארְף הָארֶעווֶען צוּ פַארְשְׁטֵיין ווָאס תּוֹרָה זָאגְט, צוּ מְגַלֶּה זַיְין ווָאס תּוֹרָה זָאגְט.
מַה שֶּׁאֵין כֵּן דֶער עִנְיַן הַמִּצְוֹת אִיז בְּעִיקָר – מַאכְן דֶעם קְלַף, צֶמֶר כו' תְּפִלִּין וְצִיצִית אוּן וַעֲשִׂיתֶם אוֹתָם – אוֹיפְמַאכְן, כִּבְיָכוֹל דִי מִצְוָהלה ; וּמִלְּשׁוֹן מְעַשִּׂין עַל הַצְּדָקָהלו – כּוֹפִין – דֶערְבַּיי אִיז דָא דִי כְּפִיָּה דֶער בִּיטּוּל ווָאס ווֶערְט אוֹיפְגֶעטָאן בַּיי דֶעם אָדָם הַמְקַיֵּים הַמִּצְוָה, וּבִלְשׁוֹן הַמִּדְרָשׁלז לְצָרֵף בָּהֶם אֶת הַבְּרִיּוֹת.
[וְנוֹסָף לְזֶה: דֶעם עִנְיָן פוּן מִצְוֹת קֶען מֶען אוֹיסְמָאלְן נָאר בְּצִירוּף מִיט דֶעם מְקַיֵּים הַמִּצְוָה; כָּל עִנְיַן הַמִּצְוֹת (צִיוּוּיִים) אִיז אַן אָנְזָאג צוּ אַ מֶענְטשׁ – נִיט ווִי תּוֹרָה ווָאס זִי אִיז פַארַאן אוֹיךְ אֵיידֶער דֶער מֶענְטשׁ לֶערְנְט אִיר].
אוּן כְּשֵׁם ווִי סְ'אִיז פַארַאן אַ חִילּוּק צְווִישְׁן תּוֹרָה אוּן מִצְוֹת בְּנוֹגֵעַ לְהָאָדָם, אִיז פַארַאן דֶער חִילּוּק, אוּן נָאךְ מֶער בְּהַדְגָּשָׁה – בְּנוֹגֵעַ כְּלָלוּת הָעוֹלָם:
תּוֹרָה, כָאטשׁ זִי רֶעדט ווֶעגְן דְבָרִים גַּשְׁמִיִּים, אִיז זִי זִיךְ אָבֶּער אִין זֵיי נִיט מִתְלַבֵּשׁ, סְ'אִיז מֶער נִיט ווָאס זִי אִיז דָן ווֶעגְן זֵיילח. מַה שֶּׁאֵין כֵּן מִצְוֹת זַיְינֶען מְלוּבָּשׁ מַמָּשׁ אִין דִי דְבָרִים גַּשְׁמִיִּים מִיט ווֶעלְכֶע מְ'אִיז מְקַיֵּים דִי מִצְוָה, אַז זֵיי גוּפָא ווֶערְן קְדֻשָּׁה.
ווָאס דָאס אִיז אוֹיךְ אֵיינֶער פוּן דִי טַעֲמִים ווָאס תּוֹרָה אִיז גֶעגְלִיכְן צוּ "אוֹר הַיּוֹם" אוּן מִצְוֹת צוּ "אוֹר הַנֵּר"לט, ווַיְילמ דֶער אוֹר הַיּוֹם, הָאט נִיט קֵיין פְּנִימִיּוּת'דִיקֶע ווִירְקוּנְג אוֹיף דֶעם אָרְט וואוּ עֶר לַיְיכְטמא – אִין דֶעם אָרְט גוּפָא ווֶערְט קֵיין שִׁינּוּי נִיט; מַה שֶּׁאֵין כֵּן דֶער אוֹר הַנֵּר, אִיז מְהַפֵּךְ דִי פְּתִילָה וְשֶׁמֶן גּוּפָא צוּ (אֵשׁ אוּן) אוֹרמב.
אַף עַל פִּי כֵן, אִיז אוֹיךְ דֶער זִיכּוּךְ פוּן דֶעם מֶענְטשְׁן אוּן דִי דְבָרִים גַּשְׁמִיִּים ווָאס ווֶערְט דוּרְךְ קִיּוּם הַמִּצְוֹת, פַארְבּוּנְדְן מִיט אוֹר – כָאטשׁ אַז זֵיי גוּפָא ווֶערְן דֶערְבַּיי נִזְדַּכֵּךְ, ווַיְיל בְּעֵת מְ'אִיז מְקַיֵּים אַ מִצְוָה, טוּט מֶען דָאךְ דָאס דֶערְפַאר ווָאס מֶען "הֶערְט" דֶעם צִיוּוּי הַבּוֹרֵא אוּן מְ'אִיז גְרֵייט – מִצַּד קַבָּלַת עֹל מַלְכוּת שָׁמַיִם – צוּ מְקַיֵּים זַיְין אִים;
מַה שֶּׁאֵין כֵּן אַ בַּעַל תְּשׁוּבָה, ווָאס מִיט זַיְין חוֹטֵא זַיְין הָאט עֶר דָאךְ פוּן זִיךְ פּוֹרֵק גֶעווֶען עֹל מַלְכוּת שָׁמַיִם אוּן אִיז ווַיְיט פוּן גִילּוּי אוֹר (מִלְמַעְלָה), קוּמְט זַיְין תְּשׁוּבָה מִצַּד זִיךְ גוּפָא (כַּנַּ"ל סְעִיף ד)מג,
אוּן אוֹיךְ בְּנוֹגֵעַ צוּ דִי עִנְיָנֵי הָעוֹלָם אִיז פַארַאן דֶער חִילּוּק, אַז דוּרְךְ מִצְוֹת ווֶערְן נִתְבָּרֵר בְּלוֹיז דִי נִיצוֹצוֹת ווָאס זַיְינֶען אִין דִי דְבָרִים הַמּוּתָּרִיםמד, ווָאס זַיְינֶען פוּן קְלִיפַּת נוֹגַהּמה (אָבֶּער דִי נִיצוֹצוֹת ווָאס זַיְינֶען אַרָאפְּגֶעפַאלְן אִין דִי דְבָרִים הָאֲסוּרִים ווָאס זַיְינֶען פוּן ג' קְלִיפּוֹת הַטְּמֵאוֹת לְגַמְרֵי, קֶען מֶען נִיט מְבָרֵר זַיְין דוּרְךְ מִצְוֹתמו ); מַה שֶּׁאֵין כֵּן דוּרְךְ תְּשׁוּבָה – ווֶערְן אוֹיךְ דִי נִיצוֹצוֹת ווָאס אִין דִי זְדוֹנוֹת (ווָאס זֵיי זַיְינֶען דָאךְ אִין ג' קְלִיפּוֹת הַטְּמֵאוֹתמז ) נֶהְפָּךְמח לְזָכִיּוֹתמט.
עַל פִּי כָּל הַנַּ"ל ווֶעט מֶען אוֹיךְ פַארְשְׁטֵיין דֶעם עִילּוּי ווָאס דֶער בַּיִת שֵׁנִי הָאט לְגַבֵּי דֶעם בַּיִת רִאשׁוֹןנ :
בִּזְמַן בַּיִת רִאשׁוֹן הָאבְּן אִידְן בִּכְלַל וּבְעִיקָר גֶעדַארְפְט זַיְין, אִין דֶער בְּחִינָה פוּן "צַדִּיקִים"נא. וּבְמֵילָא, אִיז נָאךְ דַאן נִיט גֶעווֶען דֶער "כֹּחַ" אוֹיף דֶעם אַז ווֶעלְט גוּפָא – מִצַּד אִיר עִנְיָן, אִיר עֲבוֹדָה – זָאל ווֶערְן קְדֻשָּׁה.
מַה שֶּׁאֵין כֵּן בִּזְמַן בַּיִת שֵׁנִי, ווֶען אִידְן זַיְינֶען גֶעווֶען אִין דֶער מַדְרֵיגָה פוּן בַּעֲלֵי תְּשׁוּבָה, אִיז דֶערִיבֶּער דֶער בַּיִת שֵׁנִי גֶעווֶען אִין אַזַא אוֹפֶן אַז אוֹיךְ דִי גַשְׁמִיּוּת מִצַּד עַצְמָהּ, מִצַּד אִיר עִנְיָן גּוּפָא, זָאל ווֶערְן אַ מִקְדָּשׁ צוּם אוֹיבֶּערְשְׁטְן.
ווָאס דָאס אִיז אוֹיךְ דֶער בִּיאוּר פוּן דֶעם ווָאס כּוֹרֶשׁ – אַ נִיט־אִיד נב – הָאט גֶעגֶעבְּן דֶעם צִיוּוּי אוֹיף בּוֹיעֶן דֶעם בַּיִת שֵׁנִינג, ווָאס דָאס אִיז בְּדוּגְמַת הַתְּשׁוּבָה – ווָאס שְׁגָגוֹת נַעֲשִׂים לוֹ כְּזָכִיּוֹת בִּיז אַז אוֹיךְ זְדוֹנוֹת ווֶערְן נֶהְפָּךְ לְזָכִיּוֹת.
אוּן דָאס אִיז אוֹיךְ דֶער בִּיאוּר פוּן דִי צְווֵיי נֶחָמוֹת – סַיי "עַל בַּיִת רִאשׁוֹן" סַיי "עַל בַּיִת שֵׁנִי", מִצַּד דֶעם ווָאס אִין יֶעדֶערְן פוּן זֵיי אִיז דָא אַ מַעֲלָה לְגַבֵּי דֶעם צְווֵייטְן:
דִי מַעֲלָה פוּן בַּיִת רִאשׁוֹן אִיז, ווָאס אִין אִים אִיז גֶעווֶען אַ הֶעכֶערֶער אוֹר. ווָארוּם מִצַּד דֶעם ווָאס אִידְן זַיְינֶען דַאן גֶעווֶען בִּבְחִינַת צַדִּיקִים (כַּנַּ"ל), זַיְינֶען זֵיי גֶעווֶען מֶער כֵּלִים צוּ אֱלֹקוּת, וּבְמֵילָא, אִיז אוֹיךְ דֶער בֵּית הַמִּקְדָּשׁ גֶעווֶען בְּאוֹפֶן כָּזֶה.
אָבֶּער מִצַּד דֶער עֲבוֹדָה פוּן ווֶעלְט גוּפָא, אִיז דֶער בַּיִת שֵׁנִי גֶעווֶען גְרֶעסֶער, וְכַנַּ"ל.
[אוּן דָאס אִיז אוֹיךְ דִי הַסְבָּרָה ווָאס דֶער בַּיִת שֵׁנִי אִיז גֶעווֶען גְרֶעסֶער פוּן בַּיִת רִאשׁוֹן "בְּבִנְיָן" (מָקוֹם) אוּן "בְּשָׁנִים" (זְמַן)נד – ווַיְיל דֶער גֶדֶר פוּן "עוֹלָם" אִיזנה מָקוֹם אוּן זְמַן].
אוּן אִין דֶעם בַּאשְׁטֵייט דֶער אוֹיפְטוּ פוּן דֶעם בַּיִת שְׁלִישִׁי, ווָאס אִין אִים ווֶעלְן זַיְין בֵּיידֶע מַעֲלוֹת צוּזַאמֶעןנו – נַחֲמוּ עַל בַּיִת רִאשׁוֹן אוּן נַחֲמוּ עַל בַּיִת שֵׁנִי.
דֶער חִילּוּק הַנַּ"ל צְווִישְׁן זְמַן בַּיִת רִאשׁוֹן אוּן זְמַן בַּיִת שֵׁנִי, דְרִיקְט זִיךְ אוֹיס (ווִי אַלֶע עִנְיָנִים פוּן פְּנִימִיּוּת הַתּוֹרָה) אוֹיךְ אִין נִגְלֶה, בִּיז אִין הֲלָכָה.
פוּן אֵיין זַיְיט, אִיז בִּזְמַן בַּיִת שֵׁנִי דִי קְדֻשָּׁה פוּן אֶרֶץ יִשְׂרָאֵל גֶעווֶען נִידֶערִיקֶער ווִי בִּזְמַן בַּיִת רִאשׁוֹן. ווִי מֶען גֶעפִינְט (בְּנוֹגֵעַ כַּמָּה דִינִיםנז אוּן אוֹיךְ) בְּנוֹגֵעַ צוּ תְּקִיעַת שׁוֹפָר בְּרֹאשׁ הַשָּׁנָה שֶׁחָל בְּשַׁבָּת, אַז בִּזְמַן בַּיִת שֵׁנִי "בַּמִּקְדָּשׁ הָיוּ תּוֹקְעִין אֲבָל לֹא בַּמְּדִינָה"נח, אוּן בִּזְמַן בַּיִת רִאשׁוֹן הָאט מֶען גֶעבְּלָאזְן שׁוֹפָר (בְּרֹאשׁ הַשָּׁנָה שֶׁחָל בְּשַׁבָּתנט ) נִיט בְּלוֹיז בַּמִּקְדָּשׁ נָאר אוֹיךְ בַּמְּדִינָה,
אוּן ווִי דֶער אַלְטֶער רֶבִּי אִיז דָאס מְבַאֵרס, אַז דִי הַמְשָׁכָה ווָאס טוּט זִיךְ אוֹיף דוּרְךְ תְּקִיעַת שׁוֹפָר בְּרֹאשׁ הַשָּׁנָה שֶׁחָל בְּשַׁבָּת, אִיז זֵייעֶר אַ הוֹיכֶע מַדְרֵיגָה ווָאס קֶען נִמְשָׁךְ ווֶערְן בְּלוֹיז אִין בֵּית הַמִּקְדָּשׁסא. אוּן אַף עַל פִּי כֵן הָאט מֶען (בִּזְמַן בַּיִת רִאשׁוֹן) גֶעבְּלָאזְן שׁוֹפָר אוֹיךְ בַּמְּדִינָה, ווַיְיל דַאן אִיז דִי דַרְגָּא פוּן בֵּית הַמִּקְדָּשׁ נִמְשָׁךְ גֶעווָארְן אוֹיךְ "בִּגְבוּלִין".
אַף עַל פִּי כֵן גֶעפִינְט מֶען אָבֶּער לְאִידָךְ גִּיסָא אַז דִי קְדֻשָּׁה פוּן אֶרֶץ יִשְׂרָאֵל ווָאס אִיז גֶעווֶען בִּזְמַן בַּיִת רִאשׁוֹן, אִיז נָאכְן חוּרְבָּן בָּטֵל גֶעווָארְן. מַה שֶּׁאֵין כֵּן קְדֻשַּׁת אֶרֶץ יִשְׂרָאֵל ווָאס אִיז גֶעווָארְן בִּזְמַן בַּיִת שֵׁנִי – אִיז פַארְבְּלִיבְּן אוֹיךְ לְאַחֲרֵי הַחוּרְבָּןכ.
אוּן דֶער בִּיאוּר אִין דֶעם: בְּנוֹגֵעַ צוּ מַעֲלַת מַדְרֵיגַת הַקְּדֻשָּׁה פוּן אֶרֶץ יִשְׂרָאֵל, אִיז עֶס בִּזְמַן בַּיִת רִאשׁוֹן טַאקֶע גֶעווֶען אִין אַ הֶעכֶערֶע מַדְרֵיגָה. אָבֶּער בְּנוֹגֵעַ צוּם קִיּוּם הַקְּדֻשָּׁה – עֶס זָאל נִיט נִפְסָק ווֶערְן, נִיט אַווֶעקְגֵיין פוּן דֶעם תַּחְתּוֹן – דָאס אִיז תָּלוּי אִין דֶעם זִיכּוּךְ הַתַּחְתּוֹן, אוּן דֶערְפַאר אִיז עֶס גֶעווֶען בְּעִיקָר בִּזְמַן בַּיִת שֵׁנִי – ווֶען דִי כְּנִיסָה לְאֶרֶץ יִשְׂרָאֵל (אוּן אִיר קְדֻשָּׁה) אִיז גֶעקוּמֶען דוּרְךְ כּוֹרֶשׁ'ןסב.
אַלֶע עִנְיָנִים נֶעמֶען זִיךְ דָאךְ פוּן תּוֹרָה – אִיז דִי צְווֵיי עִנְיָנִים פוּן צַדִּיקִים אוּן בַּעֲלֵי תְּשׁוּבָה ווִי זֵיי זַיְינֶען אִין תּוֹרָה, זַיְינֶען עֶס דֶער עִנְיָן פוּן לוּחוֹת רִאשׁוֹנוֹת אוּן פוּן דִי לוּחוֹת שְׁנִיּוֹת:
מִצַּד דִי לוּחוֹת הָרִאשׁוֹנוֹת, זַיְינֶען אַלֶע אִידְן גֶעשְׁטַאנֶען אִין אַ דַרְגָּא פוּן "חֵירוּת", ווָאס "אֵין כָּל אֻמָּה וְלָשׁוֹן יְכוֹלָה לִשְׁלוֹט בָּהֶם"סג – בְּדוּגְמַת ווִי בִּזְמַן בַּיִת רִאשׁוֹן ווָאס דֶער אוֹר פוּן בֵּית הַמִּקְדָּשׁ הָאט מֵאִיר גֶעווֶען אִין גַאנְץ אֶרֶץ יִשְׂרָאֵלסד ;
מַה שֶּׁאֵין כֵּן מִצַּד דִי לוּחוֹת שְׁנִיּוֹת, אִיז בְּלוֹיז דֶער ווָאס אִיז זִיךְ עוֹסֵק בַּתּוֹרָה אַ "בֶּן חוֹרִין"סה – בְּדוּגְמַת בַּיִת שֵׁנִי, ווָאס דֶער אוֹר הָאט דַאן מֵאִיר גֶעווֶען נָאר אִין בֵּית הַמִּקְדָּשׁ, נִיט בִּגְבוּלִיןסד.
וּלְאִידָךְ גִּיסָא: דִי לוּחוֹת הָרִאשׁוֹנוֹת ווָאס זַיְינֶען גֶעקוּמֶען בְּלוֹיז מִצַּד מִלְמַעְלָה, הָאט גֶעקֶענְט זַיְין אִין זֵיי אַ שְׁבִירָה – אָבֶּער נָאר אִין דֶעם תַּחְתּוֹן שֶׁבָּהֶם (לוּחוֹת) מַה שֶּׁאֵין כֵּן אוֹתִיּוֹת פּוֹרְחִיןסו – בְּדוּגְמַת קְדֻשָּׁה רִאשׁוֹנָה שֶׁבִּזְמַן בַּיִת רִאשׁוֹן ווָאס אִיז בָּטֵל גֶעווָארְן, נִסְתַּלְּקָהסו*.
מַה שֶּׁאֵין כֵּן דִי לוּחוֹת שְׁנִיּוֹת, ווִיבַּאלְד זֵיי זַיְינֶען גֶעקוּמֶען לְאַחֲרֵי הַשְּׁבִירָה וְהַתִּיקּוּן עַל זֶה (תְּשׁוּבָה), אִיז נִיט גֶעווֶען בַּא זֵיי קֵיין שְׁבִירָהסז – בְּדוּגְמַת קְדֻשַּׁת אֶרֶץ יִשְׂרָאֵל בִּזְמַן בַּיִת שֵׁנִי ווָאס אִיז קַיָּם שְׁטֶענְדִיק.
אוּן דָאס אִיז אוֹיךְ דִי שַׁיְיכוּת פוּן פַּרְשַׁת וָאֶתְחַנַּן, צוּ "נַחֲמוּ נַחֲמוּ – עַל בַּיִת רִאשׁוֹן וְעַל בַּיִת שֵׁנִי":
פוּן דִי חִילּוּקִים צְווִישְׁן דִי עֲשֶׂרֶת הַדִּבְּרוֹת שֶׁבְּפַרְשַׁת וָאֶתְחַנַּן אוּן דִי עֲשֶׂרֶת הַדִּבְּרוֹת שֶׁבְּפַרְשַׁת יִתְרוֹ אִיז, אַז דִי עֲשֶׂרֶת הַדִּבְּרוֹת שֶׁבְּפַרְשַׁת יִתְרוֹ, זַיְינֶען גֶעזָאגְט גֶעווָארְן קוֹדֶם חֵטְא הָעֵגֶל – ווֶען אִידְן זַיְינֶען גֶעווֶען בִּבְחִינַת צַדִּיקִים; מַה שֶּׁאֵין כֵּן פַּרְשַׁת וָאֶתְחַנַּןסח אִיז גֶעזָאגְט גֶעווָארְן לְאַחֲרֵי חֵטְא הָעֵגֶל, אוּן אוֹיךְ – לְאַחֲרֵי דִי אַנְדֶערֶע חֲטָאִים ווָאס זַיְינֶען גֶעווֶען בְּמֶשֶׁךְ דִי אַרְבָּעִים שָׁנָה
– אוּן נִיט נָאר ווָאס דֶער זְמַן פוּן פַּרְשַׁת וָאֶתְחַנַּן אִיז גֶעווֶען לְאַחֲרֵי דִי אַלֶע עִנְיָנִים בִּלְתִּי רְצוּיִים הַנַּ"ל, נָאר נָאכְמֶער: דִי פַּרְשָׁה קוּמְט בְּהֶמְשֵׁךְ צוּ דִי דִבְרֵי תּוֹכָחוֹת פוּן דֶער פְרִיעֶרְדִיקֶער סֶדְרָה, בִּיז אַז אוֹיךְ אִין פַּרְשַׁת וָאֶתְחַנַּן גּוּפָאסט זַיְינֶען פַארַאן דִּבְרֵי תּוֹכָחָה אוֹיף עִנְיָנִים בִּלְתִּי רְצוּיִים –
אוּן אַף עַל פִּי כֵן דֶערְצֵיילְט מֶען דָא דֶעם גַאנְצְן סִיפּוּר פוּן מַתַּן תּוֹרָה ווִי עֶר אִיז גֶעווֶען לִפְנֵי הַחֵטְא. קוּמְט דָאךְ אוֹיס, אַז אִין אָט־דֶער סֶדְרָה אִיז פַארַאן דֶער יִחוּד פוּן בְּחִינַת צַדִּיקִים – בַּיִת רִאשׁוֹן, מִיט בְּחִינַת בַּעֲלֵי תְּשׁוּבָה – בַּיִת שֵׁנִי.
דֶער יִחוּד הַנַּ"ל פוּן בַּיִת רִאשׁוֹן אוּן בַּיִת שֵׁנִי, אִיז אוֹיךְ מְרוּמָּז אִין דֶעם (עֶרְשְׁטְן ווָארְט אוּן) נָאמֶען פוּן דֶער סֶדְרָה – וָאֶתְחַנַּן, ווָאס ווַיְיזְט אוֹיף דֶעם תּוֹכֶן הָעִיקְרִי פוּן דִי סֶדְרָה:
וָאֶתְחַנַּן אִיז בְּגִימַטְרִיָּא תקט"וע. שְׁטֵייט אוֹיף דֶעם אִין חֲסִידוּתעא, אַז ת"ק ווַיְיזְט אוֹיף בְּחִינַת הַמִּדּוֹת – ו־ה (ווָאס דֶערְפַאר זַיְינֶען דִי עִנְיָנִים פוּן עוֹלָמוֹת, ווָאס זֵייעֶר הִתְהַוּוּת אִיז פוּן מִדּוֹת – ז' יְמֵי הַבִּנְיָן – בְּמִסְפַּר ת"קעב ); ט"ו (בְּגִימַטְרִיָּא י־ה) אִיז בְּחִינַת הַמּוֹחִין; אוּן דֶער עִנְיָן פוּן (וָאֶתְחַנַּן בְּגִימַטְרִיָּא) תקט"ו [ת"ק אוּן ט"ו אִין אֵיין ווָארְט] אִיז חִיבּוּר הַמּוֹחִין וְהַמִּדּוֹתעג.
אוּן דָאס אִיז אוֹיךְ מְרַמֵּז אוֹיף דֶעם יִחוּד פוּן בַּיִת רִאשׁוֹן מִיט בַּיִת שֵׁנִי, ווַיְיל בַּיִת רִאשׁוֹן אִיזעד בְּחִינַת י"ה אוּן בַּיִת שֵׁנִי – ו"ה.
אוּן דָאס אִיז אוֹיךְ אֵיינֶער פוּן דִי טַעֲמִים ווָאס אִין דֶעם עֶרְשְׁטְן שַׁבָּת ווֶען עֶס הוֹיבְּט זִיךְ אָן דִי נֶחָמָה – גְלַיְיךְ נָאךְ תִּשְׁעָה בְּאָב, לֵייעֶנְט מֶען פַּרְשַׁת וָאֶתְחַנַּן
– ווַיְיל אַלֶע עִנְיָנִים ווֶערְן נִמְשָׁךְ דוּרְךְ תּוֹרָה, אוּן אַזוֹי ווִי דִי עֲלִיָּה ווָאס דַארְף אַרוֹיסְקוּמֶען לְאַחֲרֵי תִּשְׁעָה בְּאָב אִיז דָאךְ, אַז עֶס זָאלְן זַיְין בֵּיידֶע מַעֲלוֹת – פוּן בַּיִת רִאשׁוֹן אוּן בַּיִת שֵׁנִי – צוּזַאמֶען, לֵייעֶנְט מֶען דֶערִיבֶּער אִין תּוֹרָה פַּרְשַׁת וָאֶתְחַנַּן ווָאס עִנְיָנָהּ אִיז יִחוּד י"ה אוּן ו"ה,
אוּן דוּרְךְ דֶער קְרִיאָה בַּתּוֹרָה אוּן אֲמִירַת הַהַפְטָרָה [ווָאס אִין אִיר שְׁטֵייט דֶער עִנְיָן בְּגִילּוּי – נַחֲמוּ נַחֲמוּ ב' פְּעָמִים] ווֶעגְן דֶעם יִחוּד פוּן בַּיִת רִאשׁוֹן אוּן בַּיִת שֵׁנִי, אִיז מֶען מְקָרֵב אוּן מְמַהֵר דֶעם קִיּוּם הַיִּעוּד "נַחֲמוּ נַחֲמוּ – עַל בַּיִת רִאשׁוֹן וְעַל בַּיִת שֵׁנִי",
אוּן עֶס ווֶעט נִתְגַּלֶּה ווֶערְןעה דֶער בַּיִת שְׁלִישִׁי, אִין ווֶעלְכְן עֶס ווֶעלְן זַיְין כָּלוּל דֶער בַּיִת רִאשׁוֹן אוּן בַּיִת שֵׁנִי, בְּבִיאַת מָשִׁיחַ צִדְקֵנוּ, בְּקָרוֹב מַמָּשׁ.
(משיחות שמחת בית השואבה תשכ״ד. ש׳׳פ ואתחנן תשכ״ח)