לקוטי שיחות חלק יח בלק ד

דֶער דִיןא אִיז אַז דִי הַפְטוֹרָה פוּן אַ פַּרְשָׁה מוּז זַיְין "מֵעִנְיַן הַפַּרְשָׁה", אוּן נָאך מֶער – "מֵעֵין" פוּן דֶעם סִיּוּם הַפַּרְשָׁהב.

אַזוֹי אוֹיךְ דִי שַׁיְיכוּת פוּן פַּרְשַׁת בָּלָק מִיט אִיר הַפְטוֹרָה אִיז לִכְאוֹרָה אַ קְלָארֶע: אִין דֶער הַפְטוֹרָהג ווֶערְט דֶערְצֵיילְט ווִי דֶער אוֹיבֶּערְשְׁטֶער זָאגְט צוּ אִידְן: "עַמִּי זְכָר נָא מַה יָּעַץ בָּלָק מֶלֶךְ מוֹאָב וּמֶה עָנָה אוֹתוֹ בִּלְעָם בֶּן בְּעוֹר מִן הַשִּׁטִּים גו'" – ווָאס דָאס אִיז דֶער תּוֹכֶן פוּן פַּרְשַׁת בָּלָק.

עֶס אִיז אָבֶּער מוּבָן – וּבִפְרַט עַל פִּי הַיָּדוּעַד, אַז מֵעִיקָרָהּ אִיז דִי הַפְטוֹרָה גֶעקוּמֶען בְּמָקוֹם פוּן דֶער גַאנְצֶער קְרִיאַת הַשַּׁבָּת וְיוֹם טוֹב – אַז דִי שַׁיְיכוּת צְווִישְׁן דֶער הַפְטוֹרָה מִיט דֶער סֶדְרָה אִיז נִיט בְּלוֹיז אִין אַן אֵיינְצִיקְן פָּסוּק, נָאר אִין אִיר תּוֹכֶן כְּלָלִי; אוּן לוֹיט הַיָּדוּעַה אַז דֶער תּוֹכֶן פוּן אַן עִנְיָן אִיז מְרוּמָּז אִין זַיְין הַתְחָלָה וְרֹאשׁ, אִיז פַארְשְׁטַאנְדִיק, אַז סְ'אִיז דָא אַ שַׁיְיכוּת צְווִישְׁן הַתְחָלַת הַהַפְטוֹרָהו – "וְהָיָה שְׁאֵרִית יַעֲקֹב בְּקֶרֶב עַמִּים רַבִּים גו' אֲשֶׁר לֹא יְקַוֶּה לְאִישׁ וְלֹא יְיַחֵל לִבְנֵי אָדָם" – מִיט (סִיּוּם) פַּרְשַׁת בָּלָק.

דִי הַפְטוֹרָה רֶעדט ווֶעגְן דֶעם זְמַן פוּן הַתְחָלַת הַגְּאוּלָּה. דָאס הֵייסְט נִיט ווֶעגְן דֶעם זְמַן ווֶען סְ'ווֶעט שׁוֹין זַיְין "מָשִׁיחַ וַדַּאי", לְאַחֲרֵי ווִי עֶר ווֶעט פַארְעֶנְדִיקְן אַלֶע מִלְחָמוֹת אוּן "אֶהְפּוֹךְז אֶל עַמִּים גו' לְעָבְדוֹח שְׁכֶם אֶחָד"ט – ווָארוּם אִין דֶער הַפְטוֹרָה ווֶערְט דֶערְצֵיילְט ווִי עֶס ווֶעלְן גֶעפִירְט ווֶערְן מִלְחָמוֹת מִיט דִי עַמִּים, אוּמּוֹת הָעוֹלָם – "וְהָיָה שְׁאֵרִית יַעֲקֹב בַּגּוֹיִם גו' כְּאַרְיֵה בְּבַהֲמוֹת יַעַר גו' וְרָמַס וְטָרַף גו'"י;

נָאךְ מֶער: נִיט נָאר ווֶעט אִין דֶעם זְמַן הַמְדוּבָּר בְּהַפְטוֹרָה נָאךְ זַיְין רַע מִבְּחוּץ – פוּן אוּמּוֹת הָעוֹלָם, נָאר סְ'אִיז נָאךְ פַארַאן רַע מִבִּפְנִים – בַּיי אִידְן גוּפָא, ווִי עֶר זָאגְטיא, "וְהִכְרַתִּי כְשָׁפִים מִיָּדֶךָ גו' וְהִכְרַתִּי פְסִילֶיךָ גו' וְנָתַשְׁתִּי אֲשֵׁירֶיךָ גו'"; אוּן דֶער רַע אִיז מִיט אַזַא תּוֹקֶף, אַז מְ'דַארְף אָנְקוּמֶען צוּ אַ סִיּוּעַ מִלְמַעְלָה בִּכְדֵי פוּן אִים פָּטוּר צוּ ווֶערְן, ווִי דֶער פָּסוּק אִיז מְדַיֵּיק: "וְהִכְרַתִּי", "וְנָתַשְׁתִּי",

ווַיְיל דִי הַפְטוֹרָה רֶעדט ווֶעגְן דֶעם זְמַן פוּן הַתְחָלַת הַגְּאוּלָּה, ווֶען עֶס ווֶעלְן זַיְין דִי לֶעצְטֶע הֲכָנוֹת צוּ דֶער גְּאוּלָּה שְׁלֵימָה.

אַזוֹי אוֹיךְ דִי סֶדְרָה, פַּרְשַׁת בָּלָק, רֶעדט ווֶעגְן אַן עֶנְלֶעכְן זְמַן, פַארְן אַרַיְינְקוּמֶען אִין אֶרֶץ יִשְׂרָאֵל צוּם עֶרְשְׁטְן מָאל; אִידְן זַיְינֶען דֶעמָאלְט שׁוֹין גֶעווֶען "בְּעַרְבוֹת מוֹאָב מֵעֵבֶר לְיַרְדֵּן יְרֵחוֹ"יב, גְרֵייט אַרַיְינְצוּגֵיין אִין אֶרֶץ יִשְׂרָאֵל, בְּדוּגְמָא צוּ דֶער כְּנִיסָה לְאֶרֶץ יִשְׂרָאֵל בַּיי דֶער גְּאוּלָּה הָעֲתִידָה; וּבִפְרַט עַל פִּי הַיָּדוּעַיג אַז אִלְמָלֵא הַחֵטְא, ווָאלְט בַּיי דֶער עֶרְשְׁטֶער כְּנִיסָה לְאֶרֶץ יִשְׂרָאֵל גֶעווֶען דִי גְאוּלָּה שְׁלֵימָה.

דִי הֲכָנָה צוּ דֶער גְּאוּלָּה אִיז, ווִי עֶר זָאגְט אִין הַתְחָלַת הַהַפְטוֹרָה, "אֲשֶׁר לֹא יְקַוֶּה לְאִישׁ וְלֹא יְיַחֵל לִבְנֵי אָדָם": כָאטשׁ עֶס אִיז נָאךְ פַאר דֶער גְּאוּלָּה שְׁלֵימָה, פוּנְדֶעסְטְווֶעגְן ווֶעט זַיְין דֶער סֵדֶר אַז מְ׳ווֶעט זִיךְ נִיט דַארְפְן פַארְלָאזְן אוּן נִיט דַארְפְן אָנְקוּמֶען צוּ מֶענְטשְׁן – ווָאס דָאס אִיז כּוֹלֵל אוֹיךְ אִידְן, ווִי עֶס שְׁטֵייטיד "אָרוּר הַגֶּבֶר אֲשֶׁר יִבְטַח בָּאָדָם", אוּן "אַתֶּם קְרוּיִין אָדָם"טו – נָאר מְ'ווֶעט זִיךְ פַארְלָאזְן בְּלוֹיז אוֹיף דֶעם אוֹיבֶּערְשְׁטְן, וּכְמוֹ שֶׁנֶּאֱמַרטז "בָּרוּךְ הַגֶּבֶר אֲשֶׁר יִבְטַח בַּה'".

ווִיבַּאלְד אַז דֶער פָּסוּק רֶעדט אִין דֶעם זְמַן פוּן הַתְחָלַת הַגְּאוּלָּה, אִיז מוּבָן, אַז מִיט דֶעם ווָאס עֶר זָאגְט "לֹא יְקַוֶּה לְאִישׁ גו'", אִיז דֶער פָּסוּק שׁוֹלֵל נִיט נָאר אַ הַנְהָגָה אֲסוּרָה, אַ הַנְהָגָה הֵיפֶּךְ הַתּוֹרָה – אוֹיף ווֶעלְכֶער עֶס שְׁטֵייט "אָרוּר הַגֶּבֶר אֲשֶׁר יִבְטַח בָּאָדָם" – נָאר אֲפִילוּ אַ הַנְהָגָה פוּן "יְקַוֶּה לְאִישׁ" ווָאס הָאט אַן אָרְט עַל פִּי תּוֹרָה, ווֶעט דֶעמָאלְט אוֹיךְ נִיט זַיְין;

עֶס שְׁטֵייטיז דָאךְ "וּבֵרַכְךָ ה' אֱלֹקֶיךָ בְּכֹל אֲשֶׁר תַּעֲשֶׂה", אוּן דֶער סִפְרִייח טַיְיטשְׁט עֶס אָפּ: "יָכוֹל יְהֵא יוֹשֵׁביט וּבָטֵל תַּלְמוּד לוֹמַר בְּכֹל אֲשֶׁר תַּעֲשֶׂה". דָאס הֵייסְט אַז עַל פִּי תּוֹרָה דַארְף מֶען מַאכְן אַ כְּלִי אִין דֶּרֶךְ הַטֶּבַעכ, אוּן "אֵין סוֹמְכִין עַל הַנֵּס"כא ; אוּן ווִיבַּאלְד אַז בְּדֶרֶךְ הַטֶּבַע דַארְף מֶען אָנְקוּמֶען "לְאִישׁ" – אוּן אֲפִילוּ צוּ נִיט אִידְן לְהַבְדִּיל – אִיז דָאךְ אַן אָרְט עַל פִּי תּוֹרָה אוֹיף דֶער הַנְהָגָה פוּן "יְקַוֶּה לְאִישׁ".

– סְ'אִיז נִיט קֵיין סְתִּירָה דֶערְפוּן צוּם אָנְזָאג "אָרוּר הַגֶּבֶר אֲשֶׁר יִבְטַח בָּאָדָם" – ווַיְיל ווֶען מְ'מַאכְט אַ כֵּלִי טִבְעִי, אִיז מֶען נִיט בּוֹטֵחַ אוֹיף דִי דַרְכֵי הַטֶּבַע ("יְקַוֶּה לְאִישׁ") מִצַּד עַצְמָם, נָאר מְ'אִיז בּוֹטֵחַ אוֹיף דֶעם אוֹיבֶּערְשְׁטְן, אַז עֶר ווֶעט אִים הֶעלְפְן דוּרְךְ דֶעם כְּלִי וּלְבוּשׁ ווָאס עֶר הָאט צוּגֶעגְרֵייט אִין דֶּרֶךְ הַטֶּבַעכב.

אוּן אִין דֶעם בַּאשְׁטֵייט דֶער אוֹיפְטוּ פוּן דֶעם זְמַן הַגְּאוּלָּה: דֶעמָאלְט ווֶעט זַיְין "כְּטַל מֵאֵת ה' גו'" – "שֶׁאֵין בָּא לְעוֹלָם עַל יְדֵי אָדָם וְלֹא יְבַקְשׁוּ בְּנֵי אָדָם עָלָיו כָּךְ לֹא יְקַוֶּה יִשְׂרָאֵל לְעֶזְרַת אִישׁ כִּי אִם לַה'"כג.

[עַל דֶּרֶךְ ווִי חֲסִידוּתכד טַיְיטשְׁט דֶעם פָּסוּקכה "טוֹב לַחֲסוֹת בַּה' מִבְּטוֹחַ בָּאָדָם" – ווָאס פוּנְ'ם לָשׁוֹן "טוֹב לַחֲסוֹת בַּה' מִבְּטוֹחַ בָּאָדָם" אִיז מוּבָן, אַז אוֹיךְ "בְּטוֹחַ בָּאָדָם" אִיז מוּתָּר אוּן אַ דֶרֶךְ בְּהַנְהָגָה, נָאר "לַחֲסוֹת בַּה'" אִיז בֶּעסֶער –

אַז "בְּטוֹחַ בָּאָדָם" מֵיינְט אִין דֶעם אָדָם הָעֶלְיוֹן, בְּחִינַת מְמַלֵּא כָּל עָלְמִין, ווָאס מִצַּד מַדְרֵיגַת מְמַלֵּא כָּל עָלְמִין דַארְף זִיךְ אַ מֶענְטשׁ מִשְׁתַּדֵּל זַיְין אוֹיף צוּ מַאכְן אַ כְּלִי אוּן לְבוּשׁ אִין דַּרְכֵי הַטֶּבַע אִין ווֶעלְכְן עֶס זָאל שׁוֹרֶה זַיְין דִי בִּרְכַּת ה'כו ; אוּן דֶערִיבֶּער אִיז "טוֹב לַחֲסוֹת בַּה'", בְּחִינַת סוֹבֵב כָּל עָלְמִין, ווָאס מִצַּד דֶער מַדְרֵיגָה דַארְף נִיט זַיְין דִי הִשְׁתַּדְּלוּת אִין דַּרְכֵי הַטֶּבַע, נָאר "וְהוּא יְכַלְכְּלֶךָ"כז, דֶער אוֹיבֶּערְשְׁטֶער מַאכְט אוֹיךְ דִי כְּלִיכו].

דֶער תַּכְלִית הַכַּוָּנָה אִיז נִיט אַז דִי הַנְהָגַת הַטֶּבַע זָאל בָּטֵל ווֶערְן, נָאר אַדְּרַבָּה, צוּ מְבָרֵר זַיְין אוּן אוֹיפְהוֹיבְּן דִי הַנְהָגַת הַטֶּבַעכח, בִּיז עֶס זָאל זַיְין גָּלוּי לְעֵין כֹּל אַז אוֹיךְ טֶבַע אִיז מְיוּחָד מִיטְן אוֹיבֶּערְשְׁטְן.

דֶערְפוּן אִיז פַארְשְׁטַאנְדִיק בְּעִנְיָנֵנוּ, אַז דֶער פְּשַׁט פוּן "לֹא יְקַוֶּה לְאִישׁ" אִיז נִיט אַז עֶס ווֶעט בָּטֵל ווֶערְן דִי הִילְף פוּן דֶעם "אִישׁ", נָאר אַז דֶעמָאלְט ווֶעט טֶבַע גּוּפָא זַיְין בְּתַכְלִית הַיִּחוּד מִיט אֱלֹקוּתוֹ יִתְבָּרֵךְ, בִּיז מְ'ווֶעט אִין דֶעם זֶען (נִיט עֶזְרַת אִישׁ, נָאר) בְּלוֹיז עֶזְרַת ה':

אִין דֶעם עִנְיָן פוּן "אֲשֶׁר תַּעֲשֶׂה" קֶענֶען זַיְין צְווֵיי אוֹפַנִּים:

א) כָאטשׁ עֶר ווֵייס אַז טֶבַע מִצַּד עַצְמוֹ הָאט נִיט קֵיין מְצִיאוּת, סְ'אִיז נָאר "כַּגַּרְזֶן בְּיַד הַחוֹצֵב בּוֹ"כב, פוּנדֶעסְטְווֶעגְן, ווִיבַּאלְד דֶער אוֹיבֶּערְשְׁטֶער הָאט גֶעהֵייסְן עֶס זָאל זַיְין – "תַּעֲשֶׂה", מְ'זָאל מַאכְן אַ כְּלִי אִין דֶּרֶך הַטֶּבַע, פַארְנֶעמְט טֶבַע בַּיי אִים אַן אָרְט; טַאקֶע נִיט מִצַּד טֶבַע אַלֵיין – אָבֶּער מִצַּד צִוּוּי הַקָּדוֹשׁ בָּרוּךְ הוּא בַּאקוּמְט טֶבַע אַ חֲשִׁיבוּת אִין זַיְינֶע אוֹיגְןכט.

ב) עֶר טוּט אִין טֶבַע נָאר ווַיְיל דֶער אוֹיבֶּערְשְׁטֶער הָאט אַזוֹי אָנְגֶעזָאגְט, עֶס פַארְנֶעמְט אָבֶּער בַּיי אִים קֵיין אָרְט נִיט, ווַיְיל עֶר זֶעט אִין דֶעם נָאר אַ מִיטְל צוּ אוֹיסְפִירְן דֶעם רְצוֹן הַבּוֹרֵאל.

ווָאס דָאס אִיז דֶער בִּיאוּרלא אִינֶעם מַאֲמַר רַזַ"ללב אוֹיפְן פָּסוּקלג "וְהָיָה אֱמוּנַת עִתֶּךָ גו'", אַז "אֱמוּנַת זֶה סֵדֶר זְרָעִים" – "שֶׁמַּאֲמִין בְּחֵי הָעוֹלָמִים וְזוֹרֵעַ":

כָאטשׁ דָאס אִיז אַן עִנְיָן טִבְעִי אַז בְּשַׁעַת מֶען זֵייט אִיז מַצְמִיחַ, אוּן סְ'אִיז קֵיין נַפְקָא מִינָּהּ נִיט ווֶער סְ'אִיז זוֹרֵעַ – צִי אַ אִיד צִי לְהַבְדִּיל אַ נִיט אִיד, אָדֶער אֲפִילוּ דָאס קוּמְט דוּרְךְ אַ קֶערְנְדְל ווָאס פַאלְט אַרַיְין אִין דֶער עֶרְד פוּן זִיךְ אַלֵיין (שֶׁלֹּא עַל יְדֵי פְּעוּלַּת אָדָם) – אִיז בְּטֶבַע פוּן דֶער עֶרְד לְהַצְמִיחַ;

אוּן נָאך מֶער: דִי טֶבַע אִיז נִקְבַּע גֶעווָארְן אִין דֶער עֶרְד אִין אַן אוֹפֶן, ווִי עֶס שְׁטֵייטלד, "זֶרַע וְקָצִיר גו' לֹא יִשְׁבּוֹתוּ" –

פוּנְדֶעסְטְווֶעגְן, נָאךְ דֶעם אַלֶעמֶען, בַּאקוּמְט נִיט דִי טֶבַע קֵיין חֲשִׁיבוּת וּתְפִיסַת מָקוֹם בַּיי אַ אִידְן; אוּן ווֶען עֶר אִיז זוֹרֵעַ טוּט עֶר דָאס נִיט ווַיְיל עַל פִּי טֶבַע ווֶעט זְרִיעָה בְּרֶענְגֶען אַ צְמִיחָה, נָאר בְּלוֹיז ווַיְיל עֶר אִיז "מַאֲמִין בְּחֵי הָעוֹלָמִים" דֶערְפַאר "וְזוֹרֵעַ".

דֶער חִילּוּק צְווִישְׁן דִי צְווֵיי אוֹיבְּנְגֶערֶעדטֶע הַנְהָגוֹת אִיז נִיט בְּלוֹיז בְּאוֹפֶן וּבְהֶרְגֵּשׁ מִדַּת הַבִּטָּחוֹן, נָאר דֶערְפוּן ווֶערְט אוֹיךְ "נִשְׁתַּלְשֵׁל" אַ חִילּוּק בְּהַנְהָגָה בְּפּוֹעֵל אִין מַחֲשָׁבָה דִּיבּוּר וּמַעֲשֶׂה:

בְּשַׁעַת דֶער "אֲשֶׁר תַּעֲשֶׂה" אִיז בַּיי אִים אַ מְצִיאוּת פַאר זִיךְ, טֶבַע פַארְנֶעמְט בַּיי אִים אַן אָרְט, דַאן זַיְינֶען בַּיי אִים דֶער "תַּעֲשֶׂה" אוּן תּוֹרָה וּמִצְווֹת צְווֵיי בַּאזוּנְדֶערֶע עִנְיָנִים. אוּן ווֶען עֶס קוּמְט צוּ אַ סְתִּירָה צְווִישְׁן תּוֹרָה וּמִצְווֹת אוּן דֶער הִתְעַסְּקוּת אִין דַּרְכֵי הַטֶּבַע

– וּלְדוּגְמָא: אוֹיבּ עֶר ווֶעט מַאֲרִיךְ זַיְין בִּתְפִלָּה – קֶען עֶר אָנְווֶערְן בַּאקַאנְטְשַׁאפְט בַּעֲסָקָיו וְכַדּוֹמֶה; אוֹיבּ עֶר ווֶעט מְהַדֵּר זַיְין אִין נְתִינַת צְדָקָה בְּרִבּוּי – ווֶעט אִים אֶפְשָׁר אוֹיסְפֶעלְן גֶעלְט אוֹיף צוּ אַרַיְינְלֵייגְן אִין גֶעשֶׁעפְט, וְכַיּוֹצֵא בָזֶה –

אִיז דָאס בַּיי אִים אַן עִנְיָן פוּן "וּלְאוֹם מִלְאוֹם יֶאֱמָץ"לה : אֲפִילוּ ווֶען עֶר אִיז מְוַתֵּר אוֹיף דֶער הִתְעַסְּקוּת אִין דִי דַרְכֵי הַטֶּבַע (ווִיסְנְדִיק אַז "בִּרְכַת ה' הִיא תַעֲשִׁיר"לו אוּן דַּרְכֵי הַטֶּבַע זַיְינֶען בְּלוֹיז אַ כְּלִי אוּן לְבוּשׁ צוּ "בִּרְכַּת ה'") אוּן טוּט אִין תּוֹרָה וּמִצְווֹת – אִיז דָאס אַלְץ אִין אַן אוֹפֶן פוּן מִלְחָמָה אוּן הִתְגַּבְּרוּת אוֹיף דֶער נֶפֶשׁ הַבַּהֲמִית; אוּן עֶס בְּלַיְיבְּט אַלֶעמָאל דִי מֶעגְלֶעכְקַיְיט פוּן "וּלְאוֹם מִלְאוֹם יֶאֱמָץ" לְהֵיפֶּךְ, חַס וְשָׁלוֹם – אַז דֶער צַד הַמְנַגֵּד זָאל גּוֹבֵר זַיְין.

בְּשַׁעַת אָבֶּער דֶער "תַּעֲשֶׂה" פַארְנֶעמְט בַּיי אִים קֵיין אָרְט נִיט, עֶר טוּט עֶס נָאר בִּכְדֵי צוּ מְקַיֵּים זַיְין דֶעם רְצוֹן הַבּוֹרֵא – אִיז בַּיי אִים דָאס גּוּפָא אַן עִנְיָן פוּן עֲבוֹדַת ה': בַּיי אִים אִיז דֶער "וְכָל מַעֲשֶׂיךָ"לז אוּן "בְּכָל דְּרָכֶיךָ"לח נִיט אַ בַּאזוּנְדֶערֶע זַאךְ פוּן "לְשֵׁם שָׁמַיִם"לז אוּן "דָעֵהוּ"לח, נָאר זֵיי זַיְינֶען דוּרְכְגֶעדְרוּנְגֶען מִיטְן "לְשֵׁם שָׁמַיִם" אוּן "דָעֵהוּ", בִּיז סְ'אִיז כּוּלָּא חַד.

אוּן ווִיבַּאלְד בַּיי אִים אִיז נִיטָא קֵיין מְצִיאוּת אוֹיסֶער דֶעם רָצוֹן הָעֶלְיוֹן, אִיז פַארְשְׁטַאנְדִיק, אַז אֵיין מִצְוָה קֶען נִיט זַיְין בִּסְתִּירָה צוּ אַ צְווֵייטֶער מִצְוָה, נָאר אַדְּרַבָּה: "מִצְוָה גּוֹרֶרֶת מִצְוָה"לט.

דֶער חִילּוּק צְווִישְׁן דִי צְווֵיי הַנְהָגוֹת הוֹיבְּט זִיךְ נִיט אָן אִין אַן אָפֶענֶעם "פּוֹעֵל מַמָּשׁ" – אַז דֶער יֵצֶר הָרָע זָאל מִלְּכַתְּחִלָּה קוּמֶען אַיְינְרֵיידְן אַ אִידְן עֶר זָאל חַס וְשָׁלוֹם עוֹבֵר זַיְין אוֹיפְן רָצוֹן הָעֶלְיוֹן – נָאר פוּן אַ "חוּט הַשַּׂעֲרָה": "הַיּוֹם" בְּהַתְחָלָה אִיז דֶער יֵצֶר הָרָע כְּלוֹמר'שְׁט מַסְכִּים אַז דִי הִתְעַסְּקוּת אִין דַּרְכֵי הַטֶּבַע טָאר נִיט זַיְין בִּסְתִּירָה צוּ קִיּוּם הַתּוֹרָה וּמִצְווֹת, עֶר אִיז נָאר מַדְגִּישׁ אַז תּוֹרָה גִיט אַן אָרְט אוּן אַ חֲשִׁיבוּת צוּ טֶבַע; אָבֶּער "לְמָחָר", סוֹף־סוֹף, מַאכְט עֶר דִי דַרְכֵי הַטֶּבַע פַאר אַן עִיקָר.

וּכְפֵירוּשׁ כְּבוֹד קְדֻשַּׁת מוֹרִי וְחָמִי אַדְמוּ"רמ אִין דֶעם מַאֲמַר חַזַ"למא "כַּךְ אוּמָנָתוֹ שֶׁל יֵצֶר הָרָע הַיּוֹם אוֹמֵר לוֹ עֲשֵׂה כַּךְ": דֶער יֵצֶר הָרָע הוֹיבְּט נִיט אָן אַיְינְצוּרֵיידְן אַ אִידְן עֶר זָאל טָאן פַארְקֶערְט פוּן זַיְין רָצוֹן אֲמִתִּימב (אוּן עוֹבֵר זַיְין חַס וְשָׁלוֹם אוֹיפְן רָצוֹן הָעֶלְיוֹן), אַדְּרַבָּה, עֶר זָאגְט אִים "עֲשֵׂה כַּךְ": עֶר אִיז מַסְכִּים אַז דֶער אִיד זָאל מְקַיֵּים זַיְין תּוֹרָה וּמִצְווֹת, אִיז אִים מַסְבִּיר ווִי עֶס הַאלְט אוֹיס עַל פִּי שֵׂכֶל פוּן נֶפֶשׁ הַבַּהֲמִית וְהַיֵּצֶר; אוּן דוּרְךְ דֶעם ווָאס עֶר מִישְׁט אַרַיְין זַיְין מְצִיאוּת אִין קִיּוּם הַתּוֹרָה וּמִצְווֹת אוּן אִיז אִים מַרְגִּיל אַז עֶר דַארְף אִין דֶעם הָאבְּן זַיְין (דֶעם יֵצֶר הָרָע'ס) הַסְכָּמָה, דֶערְפִירְט עֶר אַז "וּלְמָחָר אוֹמֵר כו' עַד שֶׁאוֹמֵר לוֹ עֲבוֹד עֲבוֹדָה זָרָה".

אוּן דֶערִיבֶּער אִיז דֶער ווֶעג צוּ בַּאווָארֶענֶען זִיךְ כִּדְבָעֵי פוּן תַּחְבּוּלוֹת הַיֵּצֶר הָרָע, נִיט דוּרְךְ אַן עֲבוֹדָה עַל פִּי טַעַם וָדַעַת – וַויְיל טַעַם וָדַעַת גִיט אַן אָרְט פַאר דֶער מְצִיאוּת פוּן טֶבַע; נָאר דוּרְךְ בִּיטּוּל וּמְסִירַת נֶפֶשׁ צוּם רָצוֹן הָעֶלְיוֹן, לְמַעְלָה מִטַּעַם וָדַעַת, ווָאס דֶעמָאלְט אִיז בַּיי אִים נִיטָא קֵיין מְצִיאוּת אוֹיסֶער דֶעם רָצוֹן הָעֶלְיוֹן.

[מֵעֵין וְעַל דֶּרֶךְ דֶעם חִילּוּק (הַנַּ"ל סְעִיף א) צְווִישְׁן "לַחֲסוֹת בַּה'" אוּן "בְּטוֹחַ בָּאָדָם":

מִצַּד בְּחִינַת "בְּטוֹחַ בָּאָדָם", מְמַלֵּא כָּל עָלְמִין (ווָאס דּוּגְמָתָהּ בַּעֲבוֹדַת הָאָדָם אִיז אַן עֲבוֹדָה עַל פִּי טַעַם וָדַעַת), דַארְף זַיְין דִי הִשְׁתַּדְּלוּת אִין דַּרְכֵי הַטֶּבַע, ווַיְיל לְגַבֵּי דֶער מַדְרֵיגָה הָאבְּן זֵיי אַ תְּפִיסַת מָקוֹם;

מַה שֶּׁאֵין כֵּן מִצַּד "לַחֲסוֹת בַּהֲוָיָ'", בְּחִינַת סוֹבֵב כָּל עָלְמִין (וּבַעֲבוֹדַת הָאָדָם – בִּיטּוּל שֶׁלְּמַעְלָה מִטַּעַם וָדַעַת), הָאבְּן דַּרְכֵי הַטֶּבַע קֵיין תְּפִיסַת מָקוֹם נִיט, אוּן דֶערִיבֶּער אִיז דֶער סֵדֶר – "וְהוּא יְכַלְכְּלֶךָ": עֶס זַיְינֶען טַאקֶע פַארַאן "כֵּלִים", אָבֶּער זֵיי קוּמֶען מִלְמַעְלָה. עַל דֶּרֶךְ ווִי גֶערֶעדט פְרִיעֶר, אַז אוֹיךְ ווֶען דֶער מֶענְטשׁ טוּט בְּדַרְכֵי הַטֶּבַע זַיְינֶען זֵיי בַּיי אִים קֵיין מְצִיאוּת נִיט, בִּיז סְ'אִיז נִיט שַׁיָּיךְ זָאגְן אַז סְ'אִיז דָא "עֶזְרַת אִישׁ", ווַיְיל דִי דַרְכֵי הַטֶּבַע זַיְינֶען חַד מִיטְן אוֹיבֶּערְשְׁטְן].

אוּן דָאס אִיז ווָאס דִי הֲכָנָה צוּ דֶער גְּאוּלָּה אִיז "לֹא יְקַוֶּה לְאִישׁ גו'": דֶעמָאלְט ווֶעט מֶען אִינְגַאנְצְן אַרָאפְּנֶעמֶען דֶעם הֶעְלֵם וְהֶסְתֵּר פוּן טֶבַע, בִּיז מְ'ווֶעט זֶען בְּעֵינֵי בָשָׂר ווִי טֶבַע גּוּפָא אִיז אֱלֹקוּת; אוּן דֶערִיבֶּער ווֶעט דַאן זַיְין דֶער סֵדֶר "כְּטַל מֵאֵת ה' גו' לֹא יְקַוֶּה לְאִישׁ וְלֹא יְיַחֵל לִבְנֵי אָדָם" [עַל דֶּרֶךְ "וְהוּא יְכַלְכְּלֶךָ"].

עַל פִּי כָּל הַנַּ"ל ווֶעט מֶען פַארְשְׁטֵיין דִי שַׁיְיכוּת פוּן דֶער הַפְטוֹרָה צוּ סִיּוּם פַּרְשַׁת בָּלָק, וואוּ עֶס ווֶערְט דֶערְצֵיילְט ווֶעגְן דֶעם חֵטְא פוּן בַּעַל פְּעוֹר, אוּן ווִי דִי מְסִירַת נֶפֶשׁמג פוּן פִּינְחָס הָאט דֶעם חֵטְא מְתַקֵּן גֶעווֶען (וּכְמוֹ שֶׁנֶּאֱמַרמד "וַיְכַפֵּר עַל בְּנֵי יִשְׂרָאֵל"):

עֶס אִיז מְבוּאָר אִין חֲסִידוּתמה, אַז דֶער שׁוֹרֶשׁ פוּן חֵטְא בַּעַל פְּעוֹר – "שֶׁפּוֹעֲרִין כו' וּמוֹצִיאִין רְעִי וְזוֹ הִיא עֲבוֹדָתוֹ"מו – אִיז דָאס ווָאס מֶען גִיט אַ חֲשִׁיבוּת צוּ תַּעֲנוּגִים גַּשְׁמִיִּים, ווָאס זֵיי זַיְינֶען בְּלוֹיז דִי פְּסוֹלֶת פוּן דֶעם תַּעֲנוּג שֶׁלְּמַעְלָה.

ווִי קוּמְט עֶס אַז מְ'זָאל מַאכְן אַן עִיקָר פוּן (תַּעֲנוּגִים גַּשְׁמִיִּים) פְּסוֹלֶת? נֶעמְט זִיךְ דָאס דֶערְפוּן ווָאס דַּרְכֵי הַטֶּבַע פַארְנֶעמֶען בַּיי אִים אַן אָרְט כַּנַּ"ל, אוּן דָאס דֶערְפִירְט אַז עֶר ווֶערְט רַחֲמָנָא לִצְלַן מוּשְׁקָע אִין עִנְיָנִים גַּשְׁמִיִּים.

דֶערְמִיט אִיז אוֹיךְ מוּבָן דֶער מַאֲמַר חַזַ"למז בַּנּוֹגֵעַ הַכַּפָּרָה אוֹיפְן חֵטְא בַּעַל פְּעוֹר, אַז "עַד עַכְשָׁיו לֹא זָז אֶלָּא עוֹמֵד וּמְכַפֵּר עַד שֶׁיִּחְיוּ הַמֵּתִים" – ווַיְיל דִי טַהֲרָה וְכַפָּרָה בִּשְׁלֵימוּת פוּן דֶעם חֵטְא ווֶעט עֶרְשְׁט זַיְין לֶעָתִיד לָבֹא, ווֶען סְ'ווֶעט זַיְין דִי שְׁלֵימוּת הַבִּירוּר אִין טֶבַע אוּן מְ'ווֶעט דֶערְקֶענֶען אַז טֶבַע אִיז מְיוּחָד בְּתַכְלִית מִיט אֱלֹקוּת, וּבְמֵילָא ווֶעט נִיט זַיְין דִי אֶפְשָׁרִיּוּת פוּן מַאכְן אַן עִיקָר פוּן עִנְיָנִים גַּשְׁמִיִּים.

אוּן דֶערִיבֶּער קוּמְט דִי כַּפָּרָה דוּרְך דֶער מְסִירַת נֶפֶשׁ פוּן פִּינְחָס, אַזַא מְסִירַת נֶפֶשׁ אוֹיף ווֶעלְכֶער תּוֹרָה אַלֵיין זָאגְט "אֵין מוֹרִין לוֹ"מח, אוּן אֲפִילוּ דֶערְפוּן ווֶערְט פִּינְחָס נִיט נִתְפָּעֵל אוּן אִיז זִיךְ מוֹסֵר נֶפֶשׁ. ווָאס דָאס אִיז אַ מְסִירַת נֶפֶשׁ שֶׁלְּמַעְלָה מִטַּעַם וָדַעַת אֲפִילוּ דִקְדוּשָּׁה. אוּן ווִי גֶערֶעדט פְרִיעֶר, אַז דַוְקָא דוּרְךְ בִּיטּוּל לְמַעְלָה מִטַּעַם וָדַעַת (אֲפִילוּ פוּן קְדוּשָּׁה) קֶען מֶען זִיךְ בַּאווָארֶענֶען כִּדְבָעֵי נִיט מַפְרִיד זַיְין צְווִישְׁן טֶבַע אוּן אֱלֹקוּת, כָאטשׁ תּוֹרָה זָאגְט "וּבֵרַכְךָ ה' אֱלֹקֶיךָ בְּכֹל אֲשֶׁר תַּעֲשֶׂה".

דֶערְמִיט אִיז אוֹיךְ מוּבָן דִי שַׁיְיכוּת פוּן עִנְיָן הַנַּ"ל צוּ דֶער כְּנִיסָה לְאֶרֶץ יִשְׂרָאֵל (ווָאס גָאר קָרוֹב צוּ דֶעם זְמַן הַכְּנִיסָה זַיְינֶען גֶעווֶען דִי מְאוֹרָעוֹת פוּן פַּרְשַׁת בָּלָק, כַּנַּ"ל סְעִיף ב):

אִין מִדְבָּר אִיז גֶעווֶען דֶער מָן – אַ הַנְהָגָה נִסִּית וואוּ סְ'אִיז נִיט שַׁיָּיךְ גֶעווֶען צוּ מַאכְן אַ טָעוּת אַז מַעֲשֵׂה בְּנֵי אָדָם קֶען אִין דֶעם עֶפֶּעס אוֹיפְטָאן, וּכְמוֹ שֶׁנֶּאֱמַרמט "וְלֹא הֶעְדִּיף הַמַּרְבֶּה וְהַמַּמְעִיט לֹא הֶחְסִיר", אוּן דֶער מָן אִיז גֶעווֶען נָאר אוֹיף דֶעם טָאג, עֶס הָאט גֶעמוּזְט זַיְין בִּטָּחוֹן גָּמוּר, דְּבַר יוֹם בְּיוֹמוֹנ, אִין הַשֵּׁם יִתְבָּרֵךְ;

מַה שֶּׁאֵין כֵּן נָאך דֶער כְּנִיסָה לְאֶרֶץ יִשְׂרָאֵל, ווֶען עֶס הָאט זִיךְ אָנְגֶעהוֹיבְּןנא דֶער סֵדֶר עֲבוֹדָה פוּן "אֶרֶץ נוֹשָׁבֶת"נב – הָאט מֶען גֶעדַארְפְט פְרִיעֶר בַּאווָארֶענֶען דֶעם עִנְיָן פוּן "בַּעַל פְּעוֹר", אַז כָאטשׁ עֶס הוֹיבְּט זִיךְ אָן אַ סֵדֶר עַל פִּי טֶבַע, דַארְף אוֹיךְ דֶעמָאלְט זַיְין "לֹא יְקַוֶּה לְאִישׁ גו'": מְ'זָאל ווִיסְן אַז טֶבַע אִיז נִיט קֵיין מְצִיאוּת לְעַצְמָהּ, אוּן אוֹיךְ דַאן פָאדֶערְט זִיךְ דֶער זֶעלְבֶּער בִּטָּחוֹן אִין דֶעם אוֹיבֶּערְשְׁטְן, ווִי סְ'אִיז גֶעווֶען אִין מִדְבָּר.

דָאס אִיז אוֹיךְ דִי הוֹרָאָה אִין דִי לֶעצְטֶע טֶעג פוּן זְמַן הַגָּלוּת, ווֶען מֶען גְרֵייט זִיךְ צוּ דֶער כְּנִיסָה לְאֶרֶץ יִשְׂרָאֵל עַל יְדֵי מָשִׁיחַ צִדְקֵנוּ:

כָאטשׁ מְ'שְׁטֵייט נָאךְ אִין דֶעם חוֹשֶׁךְ כָּפוּל וּמְכֻפָּלנג פוּן זְמַן הַגָּלוּת, הֵיפֶּךְ פוּן אַתְחַלְתָּא דִגְאוּלָּהנד – אוּן ווִי מְ'זֶעט בְּמוּחָשׁ – פוּנדֶעסְטְווֶעגְן, ווִיבַּאלְד אַלֶע עִנְיָנִים פוּן לֶעָתִיד לָבֹא זַיְינֶען "תָּלוּי בְּמַעֲשֵׂינוּ וַעֲבוֹדָתֵנוּ כָּל זְמַן מֶשֶׁךְ הַגָּלוּת"נה

– וּבִפְרַט בְּדוֹרֵנוּ זֶה ווֶען מְ'מַאכְט דִי לֶעצְטֶע הֲכָנוֹת צוּ דֶער גְּאוּלָּה עַל יְדֵי מָשִׁיחַ צִדְקֵנוּ, וּכְפִתְגַם כְּבוֹד קְדֻשַּׁת מוֹרִי וְחָמִי אַדְמוּ"רנו אַז מָשִׁיחַ אִיז "עוֹמֵד אַחַר כָּתְלֵנוּ"נז, אוּן נָאךְ מֶער: דִי "כּוֹתְלֵי" הַגָּלוּת בְּרֶענֶען שׁוֹיןנח –

דַארְף זַיְין אַ מֵעֵין (עַל כָּל פָּנִים) פוּן דֶער עֲבוֹדָה פוּן "לֹא יְקַוֶּה לְאִישׁ גו'" אִין דֶער עֲבוֹדָה פוּן כָּל אֶחָד וְאַחַת, אַז דַּרְכֵי הַטֶּבַע דַארְפְן נִיט הָאבְּן קֵיין חֲשִׁיבוּת, אוּן דֶער בִּטָּחוֹן דַארְף זַיְין נָאר אִין דֶעם אוֹיבֶּערְשְׁטְן,

אוּן דוּרְךְ דֶעם ווֶערְט יֶעדֶערֶער "נִגְאָל" פוּן דַאֲגוֹת וְעִנְיָנִים הַמְבַלְבְּלִים – ווָארוּם בְּשַׁעַת מֶען טוּט אִין דֶעם "בְּכֹל אֲשֶׁר תַּעֲשֶׂה" בְּלוֹיז צוּלִיבּ אוֹיסְפִירְן דֶעם רָצוֹן הָעֶלְיוֹן, אִיז מֶען נִיט טָרוּד אִין דֶעם אוּן סְ'אִיז נִיט מְבַלְבֵּל וכו' – אִים אִיז נָאר נוֹגֵעַ אוֹיסְפִירְן דֶעם רָצוֹן הָעֶלְיוֹן;

אוּן דִי גְּאוּלָּה פְּרָטִיתנט ווָאס ווֶערְט אוֹיפְגֶעטָאן בַּיי כָּל אֶחָד וְאַחַת, אִיז אוֹיךְ דִי הֲכָנָה אוּן כְּלִי צוּ דֶער גְּאוּלָּה כְּלָלִית עַל יְדֵי מָשִׁיחַ צִדְקֵנוּ, בִּיז צוּ דֶעם "יוֹם שֶׁכֻּלּוֹ שַׁבָּת וּמְנוּחָה לְחַיֵּי הָעוֹלָמִים"ס.

(משיחת ש״פ בלק תשכ״ג)
לקוטי שיחות חלק יח בלק ד