ב"ה, ח' אדר א' תשכ"ה

ברוקלין.

הנהלת אגודת נשי חב"ד אשר בעיר ניו הייווען
ה' עליהן תחיינה

ברכה ושלום!

מיט צופרידענהייט האב איך באקומען די ידיעה וועגען די ארבעט פון אייער גרופע, און די לעצטענס פאַָרגעקומענע אסיפה, און דע[ם] ווארימען אפרוף פון די פארזאמעלטע, ווי געשריבען אין דעם בריף פון מרת שרה תחי' דייטש.

השם יתברך זאל העלפען, אז דער אנהויב זאל זיין אין א גוטער שעה און גוטען אופן,

און די פעולות וועגען וועלכע איר שרייבט און די איינטיילנעמער אין דעם, זאל זיין, ווי געשריבען אין דער סדרה פון היינטיקער וואך, להעלות נר תמיד.

צו זעהן טאן אין דער ריכטונג, אז די אידישער ליכט, וואס דאס איז די נשמה פון א אידן, ווי עס שטייט, נר ה' נשמת אדם, זאל לייכטען בא יעדער אידן, תמיד (שטענדיג) און באלייכטען זיין הויז און אומגעגענד בגשמיות וברוחניות.

וואס דענסטמאל וועט מען זיכער צו-ציהען אלץ מער און מער אידישע פרויען אין דעם אויבען געזאגטען גייסט, ווי ס'איז די פאדערונגען און האפנונגען פון רבותינו נשיאינו זצוקללה"ה נבג"מ זי"ע.

בברכה צו גוטע בשורות און גאר אין גיכען.