ב"ה, י"ז אלול, תשי"ט
ברוקלין.
הוו"ח אי"א נו"נ עוסק בצ"צ רב פעלים מו"ה שלמה שי'
שלום וברכה!
מאשר הנני קבלת מכתבו מי"ב אלול, מיט די גוטע בשורות וועגן די פאַרגאַנגענע טעג פרייליכע התועדות, קבלת פנים באַ אייך אין הויז און דערנאָך די חתונה.
ויהי רצון, אַז תמיד כל הימים זאָלט איר קאנען אָנזאָגן גוטע פרייליכע בשורות, מתוך מנוחה שמחה וטוב לבב, אין די ענינים הכללים און אויך אין די ענינים הפרטים, וואָס הא בהא תליא, און אַז אין ביידע שטחים גייט דאָס מחיל אל חיל מוסיף והולך מוסיף ואור.
און די פאַרשטאַרקונג אין דעם זאָל זיך אָנהויבן באַלד גלייך, וואָרום מיר געפינען זיך דאָך אין די יומין זכאין פון חודש אלול, און אין דער פרשה פון אתם נצבים היום כולכם, ווי רבנו הזקן איז מדייק און איז מבאר אין לקוטי תורה אין אָנהויב פון דער פרשה, להיות לאחדים כאחד וכו', ונעשים רשות היחיד ליחודו ית', וואָס דאָס איז ממשיך דערנאָך די ברכות פון השם יתברך אין אַלע ענינים, ווי מיר זאָגן דריי מאָל יעדער טאָג, ברכנו אבינו (ווען) כולנו כאחד וכו'. און ווי ערקלערט אין דעם אין ספר התניא פרק ל"ב.
בברכת הצלחה בכל הנ"ל ולבשו"ט ולכתיבה וחתימה טובה,
מ. שניאורסאהן
ח'קצט
נדפסה בקונ' „צדי"ק למלך" ג ע' 98.
מו"ה שלמה: פערין. אגרות נוספות אליו - לעיל ז'תתקסה, ובהנסמן בהערות שם.
Start a Discussion